OHO.GE
ტირამისუ პორცირბით, შოკოლადითა და ალუბლით
ეს რეცეპტი ნამდვილად იმსახურებს თქვენს ყურადღებას, ჯერ ერთი იმიტომ რომ ტირამისუ პორციებად ზადდება და ძალიან მოსახერხებელია მისი ასეთი სახით მირთმევა, მეორე კი ის მზადდება ალუბლით, რაც განუმეორებელ არომატს ანიჭებს შოკოლადთან ერთად. შეგიძლიათ გამოიყენოთ გაყინული ალუბალიც თუ სეზონი არაა. გამოყენების წინ გაადნეთ და ზედმეტ სითხეს რომ მოიგდებს კარგად გადაწურეთ, ეს მნიშვნელოვანია. ხოლო ზემოდან მოსაყრელად შოკოლადის ნაცვლად შეგიძლიათ იხმაროთ კაკაო . მითითებული რაოდენობისაგან გამოდის 4 პორცია.

მასალა:

• 2 კვერცხი;
• 50 გრ შაქარი;
• 250 გრ მასკარპონე;
• 150 გრ ორცხობილა "სავოიარდი";
• 200 მლ ხსანდი ან მოხარშული ყავა;
• 200 გრ ალუბალი (უკურკოდ);

მომზადება:

ეს რეცეპტი ნამდვილად იმსახურებს თქვენს ყურადღებას, ჯერ ერთი იმიტომ რომ ტირამისუ პორციებად ზადდება და ძალიან მოსახერხებელია მისი ასეთი სახით მირთმევა, მეორე კი ის მზადდება ალუბლით, რაც განუმეორებელ არომატს ანიჭებს შოკოლადთან ერთად. შეგიძლიათ გამოიყენოთ გაყინული ალუბალიც თუ სეზონი არაა. გამოყენების წინ გაადნეთ და ზედმეტ სითხეს რომ მოიგდებს კარგად გადაწურეთ, ეს მნიშვნელოვანია. ხოლო ზემოდან მოსაყრელად შოკოლადის ნაცვლად შეგიძლიათ იხმაროთ კაკაო . მითითებული რაოდენობისაგან გამოდის 4 პორცია.

* ცილა და გული გავაცალკეოთ. გული გავთქვიფოთ შაქარში.
* დავუმატოთ მასკარპონე (მდნარი ყველი) და კარგად ავურიოთ.
* ცილა ავთქვიფოთ მაგრად.



* დავუმატოთ ათქვეფილი ცილა გულის მასას, ფრთხილად ავურიოთ.
* დესერტის სპეციალურ ჭურჭელში ჩავასხათ მიღებული კრემი. ამ კრემზე შემოვაწყოთ ალუბალი.
* ორცხობილის ჯოხები (ან ჩვენით გამომცხვარი ბისკვიტები) ამოვავლოთ ცივ ყავაში სწრაფად.



* სურვილის მიხედვით ყავას შეგვიძლია დავუმატოთ ცოტაოდენი რომი, ლიქორი ან კონიაკი.
* ალუბალზე შემოვალაგოთ ორცხობილა. ზემოდან მოვასხათ დარჩენილი კრემი.
* შოკოლადი გავხეხოთ სახეხზე. შოკოლადი მოაყაროთ კრემს მაღლიდან.
* შევდგათ მაცივარში 5 -6 საათით.



იმ შემთხვევაშ თუ ორცხობილა ვერ ვიშოვეთ, მაშნ შეგიძლიათ ქვემოთ მოყვანილი რეცეპტით გამოაცხოთ ბისკვიტები და ისინი მოიხმაროთ ტირამისუსთვის.

გემრიელად მიირთვით!


ბისკვიტი ორცხობილის ნაცვლად



მასალა:

* 2 კვერცხი;
* 50გრ შაქარი;
* 1 შეკვრა ვანილის ფხვნილი,
* 50გრ თეთრი ფქვილი,
* 30გრ კარტოფილის ფქვილი (კრახმალი),
* 1 ჩ/კ გამაფხვიერებელი ან ნახევარი ჩაის კოვზი სოდა ძმრით.

მომზადება:

კვერცხი, შაქარი, ვანილის ფხვნილი 1 წუთის განმავლობაში ვთქვიფოთ მიქსერის მაღალ სიჩქარეზე. ფქვილი, კრახმალი და გამაფხვიერებელიავურიოთ კარგად ერთმანეთში და შევურუიოთ შემდეგ კვერცხიან მასას ძალიან ნაზად. საკონდიტრი შპრიცში ჩავასხათ ეს მასა და გახურებულ ცხიმწასმულ და ფქვილმოყრი ჟარონაზე დავასხათ მოგრძო ფორმებად (იხ. სურათზე). შევდგათ 200 გრადუსზე გახურებულ აირღუმელში და გამოვაცხოთ 10-12 წუთის განმავობაში. შემდეგ გამოვიღოთ და ძალიან ფრთხილად გადავიტანოთ სეტკაზე სადაც ვაცდით კარგად გაგრილებას.

ეს ბისკვიტები შეუდარებელი შემცვლელია თუ თქვენ სახლში ზემოთ აღნიშნული ორცხობილა არ გაქვთ ტირამისუს მოსამზადებლად.

წყარო: mary.ge
ქონდარი მკურნალი ყოფილა
გარდა იმისა, რომ ქონდარი სასიამოვნო გემოს ანიჭებს ამა თუ იმ კერძს, ის მკურნალიც ყოფილა. თუ საჭმელი ცხიმიანია, ცოტა ოდენი ქონდარი მას შეამსუბუქებს, კუჭზე ლოდივით არ დაგვაწვება, რადგან ხელს უწყობს საკვების მონელებას.

ქონდარი სისხლში შაქარსაც არეგულირებს, ამიტომ დიაბეტით დაავადებულთა ერთგული მეგობარია. მათ უნდა მიიღონ ქონდრის ნაყენი, რომელიც ადვილი მოსამზადებელია: რამდენიმე ფოთოლს დაასხით ადუღებული წყალი და ისე სვით, როგორც ჩაის სვამთ ხოლმე. 10–12 დღის შემდეგ შეისვენეთ და მერე ისევ განაგრძეთ. ქონდარი სასარგებლოა როგორც ცოცხლად, ასევე ხმელი სახით.

წყარო: sana.ge
რატომ მელოტდებიან მამაკაცები - 5 მეცნიერული მიზეზი
გამელოტება ყოველთვის ხანდაზმულ ასაკში არ იწყება - ახალგაზრდა და პრაქტიკულად ჯანმრთელ მამაკაცსაც შეიძლება დასცვივდეს თმა. ამას სხვადასხვა მიზეზი აქვს.

მემკვიდრეობა
თუ ეს პრობლემა ჰქონდათ მამაკაცის ბაბუას, მამას, ბიძას, ასაკთან ერთად მასაც შეაწუხებს. ერთ მშვენიერ დღეს თავის თმიან ნაწილზე გაჩნდება გამელოტებული უბანი.

მანამდე თხემზე და წარბებს ზემოთ, საფეთქლებთან, თმა უფრო ინტენსიურად და სწრაფად იზრდება, მაგრამ უფრო თხელი და მტვრევადია, თანაც სწრაფად ცვივა. მემკვიდრეობით სიმელოტესთან ბრძოლა პრაქტიკულად შეუძლებელია. აქ აუცილებელია სპეციალისტის დახმარება.

თმის ცვენა სტრესის შედეგად
თუ ექიმებსა და მეცნიერებს დავუჯერებთ, სტრესს ორგანიზმისთვის კარგი არაფერი მოაქვს. მუდმივი დაძაბულობა, მღელვარება მხოლოდ იმუნიტეტს კი არ აქვეითებს, არამედ შესაძლოა გამელოტებაც გამოიწვიოს. საქმე ის არის, რომ სტრესის დროს ენერგია უმთავრესად ტვინისა და კუნთებისთვის იხარჯება, თმის ბოლქვის კვება კი ფერხდება. თუმცა სტრესის შედეგად განვითარებული თმის ცვენა შესაძლოა დროებითიც აღმოჩნდეს - სიმშვიდემ, გარემოს შეცვლამ აღადგინოს თმის ბოლქვების ნორმალური მუშაობა.

მეტისმეტად მამაკაცური ფაქტორი
როგორც სპეციალისტები ამტკიცებენ, მელოტდებიან მამაკაცები, რომელთაც სისხლში ჭარბად აქვთ მამაკაცის სასქესო ჰორმონი - ტესტოსტერონი. გამელოტებასთან ანდროგენების (მამაკაცის სასქესო ჰორმონების) კავშირი ექიმმა ჯეიმს ჰამილტონმა ჯერ კიდევ გასული საუკუნის 40-იან წლებში აღმოაჩინა და დაამტკიცა. ამ აღმოჩენის თანახმად, თავის თმიანი ნაწილის განსაზღვრულ უბნებზე, სახელდობრ, თხემზე და თმა-შუბლის საზღვართან, ფოლიკულები ტესტოსტერონის მიმართ მგრძნობიარეა, ამიტომ ამ ჰორმონის სიჭარბე ჯერ თმის გათხელებას იწვევს, მერე კი ცვენას. ამ შემთხვევაში მამაკაცმა, სპეციალისტთან შეთანხმებით, შეიძლება ჩაიტაროს ფიტოესტროგენებით მკურნალობის კურსი.

კიდევ ერთი მიზეზი - კანის სიმშრალე
მამაკაცებში თმის ცვენის ერთ-ერთი გავრცელებული მიზეზია კანის სიმშრალე. ეპიდერმისის ბუნებრივი დარბილების არარსებობა თმას აშრობს, მატებს სიმყიფეს, აჩენს ქერტლს, შედეგად კი სიმელოტეს ვიღებთ. ქერტლი მარტო ულამაზო სანახავი კი არ არის, არამედ საშიშიცაა - მისი თეთრი ფანტელები ახშობს ფორებს და თავის კანს სუნთქვას უშლის. კანის ჭარბი ცხიმიანობაც შეიძლება გამელოტების მიზეზად იქცეს. ერთი სიტყვით, მავნებელია ცხიმოვანი ჯირკვლების მუშაობის ნებისმიერი დარღვევა.

ვერაგი კოფეინი
თუ მამაკაცს სიცოცხლე ვერ წარმოუდგენია მაგარი ყავის გარეშე, მას მალე თმასთან დაკავშირებული არასასურველი მეტამორფოზები ელის. ბოლქვების სისხლით მომარაგება ირღვევა, თმა უფრო და უფრო ნელა იზრდება, მერე კი ცვენას იწყებს. ამიტომ მამაკაცებს ვურჩევთ, ნაკლები ყავა სვან ან უკოფეინო ამჯობინონ. გარდა გამელოტებისა, კოფეინის სიჭარბე ორგანიზმს ცუდი ქოლესტერინის დონის მომატებას და სისხლძარღვის კედელზე ათეროსკლეროზული ფოლაქების გაჩენას უქადის. ვფიქრობთ, ყავის მოყვარულები ამ არგუმენტს მაინც გაითვალისწინებენ.

წყარო: life.mediamall.ge
როგორ დავლიოთ ვისკი?
ვისკის ბოკალი უნდა იყოს ცილინდრიანი და ფართო სქელი ძირით. თუ არ აპირებთ ვისკიში ყინულის და კოკა-კოლის გარევას, მაშინ მას სვამენ ტიტის ფორმის ბოკალით. მაგალითად, ირლანდიელები თვლიან რომ ვისკი არის მსუბუქი, რის გამოც არ აზევებენ. შოტლანდიელები, კი პირიქით, ესეთ ძლიერ და არომატულ სასმელს ვერ სვამენ ყინულის გარეშე.

იმისთვის რომ მივიღოთ მაქსიმალური სიამოვნება, რომ არ დაზიანდეს მისი არომატი და გემო, ტემპერატურა უნდა იყოს არც მაღალი და არც დაბალი, დაახლოებით +19+22° C.

ვისკი ითვლება ძლიერ ალკოჰოლურ სასმელად, რის გამოც მას აზავებენ ყინულთან და კოკასთან. თვით გაზევების პროპორციები დამოკიდებულია ადამიანის გემოვნებაზე, თუ როგორი სიძლიერის ვიკის დალევას სურს.

ვისკი უნდა დავლიოთ პატარა ყლუპებით და ცხვირით ჰაერი ამოვისუნთქოთ.

და ბოლო წესი, ვისკის დალევის შემდგომ არ უნდა დავაყოლოთ საკვები, რომ სრულყოფილად აღვიქვათ მისი გემოვნება. სხვაგვარად შეგვეძლო არაყი დაგველია :) იგი უნდა მივირთვათ ტელევიზორის ყურებისას ან მეგობართას საუბრისას და ა. შ. არაა სავალდებულო სუფრის გაშლა:

წყაროlife.mediamall.ge
თმის გასწორების ტიპები და მეთოდები
თანამედროვე ადამიანები არ ჯერდებიან მხოლოდ იმით, რითაც ბუნებამ დააჯილდოვა. განსაკუთრებით თუ საქმე ეხება თმას. მაგალითად ქალები, რომლებსაც იდეალურად სწორი თმა აქვთ უნდათ რომ ხვეული ჰქონდეთ, ხოლო ხუჭუჭთმიანები მის გასწორებას ცდილობენ. თუმცა ბოლო დროს ტენდენცია იდეალურად გასწორებული თმისკენ წავიდა.

თმის გასწორების თანამედროვე საშუალებები იყოფა ორ კატეგორიად, ტექნოლოგიიდან გამომდინარე: ქიმიურ და თერმულ კატეგორიებად. თითეულ მათგანზე ქვემოთ კონკრეტულად ვისაუბრებთ.

თმის თერმული გასწორება

თმის გასწორების ეს ტიპი მოიცავს დაუთოვებას და ე.წ. ფენით გაშრობას. ამ მეთოდს ქალბატონების უმრავლესობა მიმართავს, რადგან ის მოსახერხებელია, სწრაფია და ეფექტური. იმისათვის რომ თმა უთოთი ან ფენით გაისწოროთ საკმარისია 15-25 წუთი. რეზულტატის დასაფიქსირებლად შეგიძლიათ გამოიყენოთ სპეციალური თმის ლაქი.

თმის კერატინირება - ეს ერთ-ერთი ინოვაციური მეთოდია, რომელიც თმას იდეალურად ასწორებს და მორჩილს ხდის. თმის ასეთი გასწორება ძალიან პოპულარულია, რადგან მისი ეფექტი ხანგრძლივია ვიდრე ფენით და უთოთი გასწორებისას. გარდა ამისა, გასწორების ასეთი მეთოდი თმის სტრუქტურას იცავს მექანიკური და თერმული ზემოქმედებისგან, რაც ძალიან აქტუალურია მათთვის, ვისაც მტვრევადი და ცვენისაკენ მიდრეკილი თმა აქვს.

თმის გასწორების ბრაზილიური მეთოდი შედარებით ახალია, მაგრამ დიდ ინტერესს იწვევს. ეს გასაგებიცაა, რადგან აღნიშნული პროცედურა არამარტო იდეალურად ასწორებს თმას, არამედ ინტენსიურად კურნავს თმის ძირიდან ბოლომდე.

თმის ქიმიური (პერმანენტული) გასწორება

აქ მოქმედებს ტრადიციული დახვევის პირნციპი, მაგრამ იძლევა აბოსლიტურად უკუ ეფექტს. ანუ თმაზე ჩვეულებრივ ისმევა ქიმიური ნარევი, რის შემდეგაც გამოიყენება მდგრადი ფიქსატორი. აღნიშნული პროცედურის შემდეგ თმაზე მოქმედებს მაკონდიცირებელი სისტემა, თუმცა საჭიროა ყურადღების გამოჩენა თმის გასასწორებელი პრეპარატის შერჩევისას. საქმე იმაშია, რომ თითოეული მათგანი გათვლილია მოქმედების გარკვეულ პერიოდზე, ამიტომ თუ თქვენ უპირატესობას მიანიჭებთ მაქსიმალურად მდგრად პრეპარატს, მაშინ ბუნებრივ მდგომარეობაში თმის დაბრუნებას მხოლოდ ახალი თმის წამოზრდის შემთხვევაში შეძლებთ.

პრინციპში თმის ქიმიური გასწორების მეთოდებში და პრეპარატებში არ დაიბნევით, რადგან ისინი სულ ამი ძირითადი ტიპის არის:

- სუსტი მოქმედების პრეპარატები, რომლიც გამოყენებაც შესაძლებელია სუსტ, შეღებილ ან დაზიანებულ თმაზე.

- საშუალო მოქმედების პრეპარატები, რომლებიც როგორც წესი გამოიყენება სამ შემთხვევაში, როცა წვრილი ნახვევებისგან უნდა გაკეთდეს მსხვილი კულულები.

- ძლიერ მოქმედი პრეპარატები გამოიყენება ჰიდროქსიდულ საშუალებებთან კომპლექსში, რომლებსაც შეუძლიათ მაქსიმალურად გრზელი ეფექტის მოცემა.

წყარო: babyinfo.ge
ჯადო ტელეფონით - როგორ გავიგოთ გვაქვს თუ არა ჯადო?
ჯადოების, შელოცვების, ავი თვალის ბევრს სჯერა. ადამიანთა გარკვეული კატეგორია, მათ შორის რელიგიური ხალხიც, ამას ცრურწმენას უწოდებს და ადამიანებს ურჩევს, ნაკლებად მისდიონ მსგავს რამეებს. თუმცა ფაქტია, რომ ჩვენ გარშემო მკითხავები, ჯადოქრები თუ მაგები მომრავლდნენ და ათასგვარი ჯადოს გაკეთებაზე თუ პირიქით, ჯადოს მოხსნაზე მუშაობენ. ასე ჟურნალი „რეიტინგი“ აქვეყნებს მასალას, რომელიც იმათთვისაა, ვისაც ჯადოების სჯერა.

თურმე, ფოტოსურათები განსაკუთრებულ მოფრთხილებას საჭიროებს, რადგან ეს სულაც არ ყოფილა უბრალო ქაღალდის ნაგლეჯი, არამედ მასზე თქვენ შესახებ ინფორმაცია და თქვენი ენერგეტიკაა აღბეჭდილი, რაც შეიძლება არაკეთილისმსურველმა გამოიყენოს. ხანდახან ერთადერთ ფოტოს მთელი ცხოვრების შეცვლაც შეუძლია.

გარკვეული პერიოდის წინ მეცნიერებმა საინტერესო ექსპერიმენტი ჩაატარეს. ახალგამოჩეკილი ოთხი წიწილა ფოტოზე აღბეჭდეს, მერე კი საგანგებო ნიშნები გაუკეთეს ზურგებზე, რომ მოგვიანებით ერთმანეთისგან განესხვავებინათ. ამის შემდეგ სამი წიწილის ფოტო გვერდზე გადადეს, მეოთხესი კი გაამრავლეს და ნაცნობ-მეგობრებს დაურიგეს. ფოტოსთან ერთად ნაცნობები დაარიგეს: თუ ცხოვრებაში რაიმე პრობლემა ექნებოდათ ან უბრალოდ მოწყენილები იქნებოდნენ, ყურადღებით დაკვირვებოდნენ ფოტოზე გამოსახულ ყვითელ არსებას და ფიქრებით ეცადათ, ამ წიწილისგან აეღოთ ძალები. შედეგად, ექსპერიმენტის „მსხვერპლად“ ქცეული წიწილა ყველას თვალწინ შეიცვალა. ცუდად ვითარდებოდა, სხვებს ჩამორჩებოდა, ბოლოს ძალიან მოდუნდა, ნაკლებს მოძრაობდა და ცოტა ხანში მოკვდა კიდეც.

სპეციალისტები ამტკიცებენ, რომ ეს ექსპერიმენტი შესანიშნავი ნიმუშია იმისა, როგორ შეიძლება ფოტოსურათის მეშვეობით ენერგეტიკული პოტენციალის გარღვევა და გამოწოვა. ექსტრასენსთა აზრით კი, ფოტოს „გათვალვა“ ძალიან იოლია. ძირითადად, გათვალვა შეუძლია შურიან ან გაბრაზებულ ადამიანს. თქვენი ფოტო რომ დაიცვათ, მასზე რაიმე წარწერა გააკეთეთ. თუ ფოტოს საჩუქრად აძლევთ, წააწერეთ რაღაც ასეთი: „სამუდამო მეგობრობის ნიშნად“ ან სხვა. ეს დაგეხმარებათ გათვალვის თავიდან აცილებაში. თუმცა არა ჯადოს მოცილებაში.

ჩვეულებრივ ადამიანს ხომ ქვეცნობიერად, უნებურადაც შეუძლია გათვალვა, ან დაწყევლაც კი, ჯადოს გაკეთება კი მხოლოდ მაგებს ხელეწიფებიათ, რომლებიც შესანიშნავად ერკვევიან ბედის განვითარების წესებში. რაც უფრო სუსტია ადამიანი ფსიქოლოგიურად და ემოციურად, მით უფრო იოლია მისი მოჯადოება და მით უფრო დრამატული იქნება მასზე შელოცვის მოქმედება.

თურმე, ფოტოსურათზე გაკეთებული ჯადო ადამიანის აურაში გადადის, რადგან ადამიანსა და მის ფოტოს შორის გარკვეული ენერგეტიკული კავშირი არსებობს. ნურასდროს ნუ გადააგდებთ ფოტოებს, მით უმეტეს, სახლის გარეთ. ალბომებში ან კოლოფებში შეინახეთ. ნუ აჩუქებთ ფოტოს ნაკლებად ნაცნობ ადამიანებს და ნურც ყოფილ ცოლებსა და ქმრებს დაუტოვებთ. თქვენ ხომ არ იცით, როგორი პარტნიორები ეყოლებათ მათ მომავალში და რამდენად ეჭვიანები იქნებიან ისინი.

ჯადო მრავალგვარი არსებობს. მაგალითად, თქვენი ნებისყოფის შესამცირებელი და სხვისი ბრძანების შესასრულებელი - ეს ჯადო ქარზე, მტვერზე კეთდება. არის ჯადო უნაყოფობაზე, იმპოტენციაზე. ბევრს გაუგია ათასგვარი ჯადოები ცვილის ფიგურებით, დახოცილი ცხოველებით თუ დამპალი მცენარეულობით. როცა ზღურბლზე ნაგავი ყრია, არასდროს არის ეს კარგი. ხშირად ზღურბლზე მზესუმზირას ყრიან, რომ ოჯახში უფულობა შეიტანონ. რგოლად შეკრული თოკები და ძაფები - სიმსივნეებისა და მამაკაცური იმპოტენციის მომტანია, ბუმბულები, ბეჭდები - მარტოობაზე გაკეთებული ჯადოა. რასაც კარის ზღურბლზე ყრიან, ყველაფერი შეიძლება ჯადოდ იქცეს პატრონის უყურადღებობის შედეგად. ამიტომ, არასდროს აიღოთ არაფერი, ძალიან ძვირფასიც კი, რაც თქვენს კართან გარეთ დევს. ჯობია, ჯოხით ან ტოტით გადააგდოთ სახლიდან შორს. თუ საშუალება გაქვთ, კვალი წყლითაც მოასუფთავეთ. ასევე არ არის სასურველი გზაჯვარედინზე რაიმეს აღება. ესეც შეიძლება იყოს ჯადო, რომელიც თქვენზე გადმოვა.

ჯადო ტელეფონით?

ხანდახან ადამიანს კენტი რიცხვის ყვავილებისგან შემდგარ თაიგულს შეგნებულად ჩუქნიან, თანაც, წვრილ ყვავილებს ირჩევენ, რომ ეს თვალში მოსახვედრი არ იყოს; თუ სახლში ბეწვის ქულა იპოვეთ, არადა, შინაური ცხოველები არ გყავთ, ე.ი. ვიღაცა თქვენს ოჯახში უსიამოვნების შეტანას ცდილობს. ასევე ტოვებენ კარის წინ ცარიელ ბოთლებს - ეს იმას ნიშნავს, რომ ოჯახის უფროსს ალკოჰოლისკენ უბიძგებენ. თუ მოულოდნელად გაქრა ფოტო ან უცებ იპოვეთ დახეული, ან სხვა ფოტოსთან მიწებებული, ესეც ჯადოს ნიშანია. კიდევ ერთი საინტერესო ფაქტი - არ ღირს თურმე ალვის ხესთან და იფანთან ფოტოს გადაღება, რადგან ეს ხეები ენერგიას აცლიან. ფოტოებისთვის საუკეთესო ხეებია არყი, ალუბალი, ასევე სხვა ნაყოფიერი ხეები, რადგან მათი ენერგეტიკა დადებითად მოქმედებს. სხვათა შორის, თურმე ჯადოს გაკეთება ტელეფონითაც შეიძლება. მაგალითად, როცა ზარი ირეკება, ყურმილს იღებთ და არავინ გპასუხობთ. ასეთ დროსაც შეიძლება სადენის მეორე მხარეს ვიღაც შელოცვას ბუტბუტებდეს. ამიტომ, თუ ტელეფონში სიჩუმეა, მაშინვე დაკიდეთ ყურმილი.

(მოამზადა ლილუ მიროტაძემ)

წყარო: reportiori.ge
ვაშლის სამარხვო ნამცხვარი
საჭირო მასალა:

* 2 ჭიქა შაქარი;
* 125 გრ. მცენარეულ ზეთებზე დამზადებული მარგარინი;
* 1 ჭიქა თბილი წყალი;
* 1 ლიმონის,ან ფორთოხლის ცედრა(დახეხილი კანი);
* 1 შეკვრა ვანილი;
* 1 არასავსე ჩაის კოვზი სოდა/ძმრით;
* დაახლოებით 4 ჭიქა ფქვილი;
* 2 დიდი ვაშლი.

მომზადების წესი:

2 ჭიქა შაქარს დავამატოთ მცენარეულ ზეთებზე დამზადებული 125 გრ. გამდნარი(ცხელი)მარგარინი, 1 ჭიქა თბილი წყალი და კოვზით ვურიოთ კარგად,სანამ შაქარი არ გაიხსნება,შემდეგ დავამატოთ 1 შეკვრა ვანილი,1 ლიმონის,ან ფორთოხლის ცედრა(დახეხილი კანი), 1 არასავსე ჩაის კოვზი სოდა-ძმრით და დაახლოებით 4 ჭიქა ფქვილი(ფქვილის რაოდენობა თვითონვე განსაზღვრეთ,ცომი საშუალო სისქის უნდა იყოს).

ცომის მასა მოვათავსოთ ცხიმწასმულ საცხობ ფორმაში,გადავასწოროდ ზედაპირი,ზემოდან ჩავაწყოთ ვაშლის თხელი ნაჭრები და გამოვაცხოთ ღუმელში, 180 გრადუსზე(ცოტა მოგვიანებით შეგვიძლია დავუწიოთ 150 გრადუსზე)

ანა კოსტავასგან

წყარო: ჟურნალი „პირველი კულინარი“/ Pirveli Culinary - cooking magazine
კარტოფილი ფრანგულად- სიახლე თქვენს სამარხვო რაციონში
მექსიკური კარტოფილის უზომო პოპულარობამ სამზარეულოში უამრავ ახალ იდეას ჩაუყარა საფუძველი. კულინარიული ექსპერიმენტებისთვის გვიანი არასდროსაა, სწორედ ამიტომ დღეს კარტოფილის მომზადების ფრანგულ მეთოდს გთავაზობთ იმისთვის, რომ საკუთარ სამზარეულოში შესანიშნავი სურნელი დაატრიალოთ. ახლა მარხვის პერიოდია და სანამ ერთფეროვანი კერძებით თავს გადაიღლით, შეიტანეთ მრავალფეროვნება ყოველდღიურ საკვებში.

ინგრედიენტები:

600 გ. კარტოფილი
1 თავი ხახვი
3 კონა ოხრახუში
მარილი, წიწაკა გემოვნებით

მომზადების წესი:

კარტოფილი კარგად გარეცხეთ და მარილიან წყალში მოხარშეთ, შემდეგ მრგვალ ნაჭრებად დაჭერით და ღუმელში გამოაშრეთ ,150 გრადუსზე.

ახლა ხახვი დაჭერით თხელ ნაჭრებად და თაფაზე დაყარეთ, ოდნავ რომ მოითუშება დაამატეთ ღუმელში გამომშრალი კარტოფილი. მოაყარეთ მარილი და წიწაკა და კარტოფილი კარგად შებრაწეთ. სუფრასთან მიტანამდე მორთეთ წვრილად დაჭრილი ოხრახუშით

წყარო: life.mediamall.ge
ზოდიაქოს მიხედვით მამაკაცი საწოლში
ყველა მამაკაცს აქვს საიდუმლო, რასაც საგულდაგულოდ მალავს, შეგიძლიათ ეს ყველაფერი ზოდიაქოს ნიშნის მიხედვით გაიგოთ და მხოლოდ ამის შემდეგ დაწვეთ მასთან.

ვერძი - მის საწოლში შეღწევდამდე, აუცილებლად უნდა იცოდეთ, რომ თქვენ მასთან ხანგრძლივი ურთიერთობის იმედი არ უნდა გქონდეთ. ამ ნიშნის ქვეშ დაბადებული მამაკაცები ქალებს წინდებივით იცვლიან, ვერძებს ქალებს მიმართ ინტერესი სამი თვით უხანგრძლიივდებათ. თუ მაინც, გსურთ მასთან ხანგრძლივი ურთიერთობა, მაშინ ნუ დაკავდებით მასთან სექსით მალევე.

კურო - თუ თქვენთვის სექსი მნიშვნელოვანია, მაშინ ფრთხილად, კურო ძალიან ზარმაცია და ცდილობს არაფერი გააკეთოს არც საწოლში და არც სხვა ადგილას. ზარმაცი კურო ყოველთვის თქვენ დაგელოდებათ, ამიტომ თუ გსურთ რომ ინიციატივა მისგან წამოვიდეს, რაც შეიძლება ბევრი ალოდინეთ.

ტყუპები - ტყუპებმა ძალიან კარგად იციან როგორ მოხიბლონ ქალბატონი. ისინი ერთგულებით გამოირჩევიან, თუმცა ხშირად არც თუ ისე სინდისიერად ექცევიან საწინააღმდეგო სქესის წარმომადგენლებს. თუ თქვენ ეჭვიანი ხართ, მაშინ ტყუპები თქვენ ნამდვილად არ გამოგადგებათ.

კირჩხიბი - ამ ნიშნის ქვეშ დაბადებული მამაკაცები დიდი ბავშვები არიან, რომლებსაც ყურადღება სჭირდებათ. შეიძლება თავიდან ვერ შეამჩნიოთ, თუმცა შემდეგ მიხვდებით, რომ ის საშინელი ეგოისტია და ფიქრობს მხოლოდ საკუთარ კეთილდღეობაზე. თავიდან შეყვარებულის სტატუსი გექნებათ, თუმცა მალე შეამჩნევთ, რომ მისთვისშეყვარებული კი არა, მზრუნველი დედა უფრო ხართ.

ლომი - სანამ მის საწოლში მოხვდებით, გირჩევთ კარგად გაიგოთ როგორია ის სინამდვილეში. ლომს ძალიან უყვარს საკუთარი თავის ქება და იმაზე ლაპარაკი, თუ რამდენად მაგარია ის საწოლში, ამიტომ არ გაგიკვირდეთ, თუ მის მეგობრებს ყველაფერი ეცოდინებათ თქვენი სექსის შესახებ.

ქალწული - არ გადადგათ მნიშვნელოვანი ნაბიჯი მასთან ურთიერთობისას, თუ თქვენ მომთმენი ქალი არ ხართ. ქალწულები გიჟდებიან დეტალებზე და მათ დიდ ყურადღებას აქცევენ.

სასწორი - სასწორი მამაკაცები ძალიან ბობოქარი სული პატრონები არიან. ისინი სექსში (და არა მარტო სექსში) საკმაოდ დახვეწილები არიან და აქვთ მდიდარი გამოცდილება. თუ თქვენ არ ხართ მზად, მასთან ერთად, საწოლში, სცადოთ ყველა სახის ტექნიკა, მაშინ გირჩევთ მათგან თავი შორს დაიჭიროთ.

მორიელი - თუ თქვენი ურთიერთობა მორიელთან დაიწყეთ, მაშინ გილოცავთ. ამ ნიშნის ქვეშ დაბადებული მამაკაცები, ძალიან მოსიყვარულეები არიან. ის ყოველთვის გაითვალისწინებს თქვენს ინტერესებს.

მშვილდოსანი - სანამ საქმე საწოლამდე მივა, უნდა იცოდეთ, რომ არანაირი შანსი არ გაქვთ ასრულდეს თქვენი სურვილები. მშვილდოსანი მამაკაცები, ეგოისტები არიან, განსაკუთრებით საწოლში. მათთვის ურთიერთობა აზრს იძენს პარტნიორთან სექსის შემთხვევაში.

თხის რქა - თუ თქვენ მოგენიჭატ „შეყვარებულის“ სტატუსი, მაშინ დარწმუნებული იყავით, რომ თქვენ მისთვის ძალიან მნიშვნელოვანი ხართ, ის აუცილებლად დაგეგმავს მომავალს თქვენთან ერთად. თხის რქა ყოველთვის ძალიან დიდ მნიშვნელობას ანიჭებს ფიზიკურ სილამაზეს, თუ თქვენ არ დააკმაყოფილებთ მის კრიტერიუმებს, მაშინ მასთან სექსზე და სერიოზულ ურთიერთობაზე არც იოცნებოთ.

მერწყული - მიუხედავად იმისა, რომ ურთიერთობის სასწყისი ეტაპი, ზღაპრულად გეჩვენებათ, არ იფიქროთ, რომ ასეთი ურთიერთობა დიდხანს გასტანს. მერწყული ვერ იტანს ერთფეროვნებას, სავარაუდოდ თქვენ მისთვის ერთადერთი ქალბატონი არ ხართ, ის მუდმივად ეძებს ახალ სექსუალურ თავგადასავლებს.

თევზები - თევზები ძალიან მგრძნობიარე ბუნების მქონე ადამიანები არიან. მათ ყოველთვის აშინებთ ახალი ურთიერთობები, ამიტომ თუ მან მისი ცხოვრების მეგზურად აგირჩიათ, მაშინ შეგიძლიათ მშვიდად იყოთ, ის თითქმის არასდროს იტყუება, თუმცა გაითვალისწინეთ, რომ თევზებს უყვართ ნაზი, ქალური, სექსუალური ქალბატონები

წყარო: life.mediamall.ge
როგორ გავიზარდოთ თმა სწრაფად ?
ლამაზი, ბზინვარე და ჯანმრთელი თმა, არამარტო სილამაზის, არამედ ჯანმრთელობის ნიშანიცაა. დღეს ძალიან მოდურია გრძელი დაშვებული თმა. შემოგთავაზებთ რეკომენდაციბს, როგორ გაიზარდოთ სწრაფად თმა ?

ნორმალური ზრდის მაჩვენებელია 1-1.5 სმ. მაგრამ ეს დამოკიდებულია სეზონზე, გენეტიკაზე, ჯანმრთელობაზე და ცხოვრების წესსზე. თმის ჯანმრთელობისა და ზრდისთვის საჭიროა ცხოვრების ჯანმთელი წესი: მრავალფეროვანი კვება, ორგანიზმის უზრუნველყოფა წყლით, რომ შენარჩუნებული იყოს ტენიენობა. სასარგებლო პროდუქტებია: რძე, მარცვლეული, ხორცი, ყველი, თევზი. გაიმდიდრეთ ორგანიზმი ვიტამინებით და უარი თქვით მავნე ჩვევებზე. თმაზე ცუდად მოქმედებს შეღებვა, ქიმიური დახვევა. თმის საშრობები, უთო, აფუჭებს თმის სტრუქტურას, ხდის მყიფე და უძლურს. იმისთვის, რომ ძირები გამაგრდეს გამოიყენეთ ზღვის მინერალებზე დამზადებული შამპუნები. კოსმეტიკური საშუალებები შემცველი სპილენძიისა და თუთიის.

ნიღბების გამოყენება აჩქარებს თმის ზრდას: შეურიეთ კვერცხის გული ერთ სუფრის კოვზ თაფლს. ეფექტის გასაძლიერებლად დაამატეთ ხახვი. უსიამოვნო სუნის აღმოსაფხვრელად კარგია ლიმნის წვენი. ნიღაბი უნდა გაიჩეროთ 30 წუთი და ჩამოიბანოთ თბილი წყლით. თუ თმა სუსტი და მშრალია უნდა დაამატოთ ზეითუნის ზეთი.

თმის სწრაფი ზრდისთვის კარგია ისეთი კოსმეტიკური საშუალებების გამოყენება, როგორიცაა: თმის ტონიკი, შრატი, ნიღბები კონდინცირებისთვის და ისეთი პროდუქცია, რომლების გამოაღვიძებს მიძინებულ ფოლეკულებს. მდოგვი, დარიჩინი და წიწაკა გამოაცოცხლებს თმის ფოეკუებს, აუმჯობესებს სისხლის მიმოქცევას და აწვდის საკვებ ნიბთიერებებს.

დაიბანეთ თმა ხშირად, რათა მოიცილოთ ქერტლი და კანის ცხიმი, რადგან ეს ხელს უშლის თმის სისტემის ნორმალურ ფუნქციონირებას. მიიღეთ კონტრასტული შხაპი და რაგულარულად გაიკეთეთ თავის მასაჟი. ყოველ სამ თვეში ერთხელ მოიჭერით ბოლოები დაახლოებით 0.5-1 სმ.

შეამოწმეთ თქვენი იმუნური სისტემა, ენდოკრინოლოგიური და ნერვიული სისტამა, თირკმელზედა ჯირკვლების ნორმალური ფუნქციონირება, აღმოფხვერით სტრესი… კარგი ჯანმრთელობა აისახება თქვენს თმებზეც.

თმის ზრდის დამხმარე ნიღბები და ინგრედიენტები: არაჟანი, კვერცხი, თაფლი…
1. კვერცხის გულს დაამატეთ თაფლი და არაჟანი, რამდენიმე წვეთი ლიმნის წვენი და კარგად აურიეთ. ასევე გაიჩერეთ 30 წუთით და ჩამოიბანეთ თბილი წყლით.

2.აიღეთ ერთი ჩაის კოვზი თაფლი, დაამატეთ ცოტაოდენი ლიმნის წვენი, მცენარეული ზეთი და კვერცხი. აურიეთ კარგად. ეს ნიღაბი უნდა წაისვათ სველ თმაზე. შეიზილეთ ძირებში დამთელ სიგრძეზე, გაიჩერეთ 15-20 წუთი ჩამოიბანეთ შამპუნით და კარგად შეიხვიეთ.

ეს რჩევები დაგეხმარებათ თქვენი თმა დროთა განმავლობაში გახდეს საკმაოდ გრძელი, ჯანმრთელი და ბრწყინვალე. მოუარეთ, დაიცავით ისეთი ფაქტორებისაგან, რაც ზიანს მიაყენებს მას და დატკბით თქვენი თმის სილამაზით.


წყარო: life.mediamall.ge