OHO.GE
დიეტა თინეიჯერებისთვის!
ჩვენს დროში თინეიჯერებიც ინტერესდებიან დიეტებით,მითუმეტეს ,რომ ზედმეტი წონის პრობლემა შეიძლება 12-18 წლის ადამიანსაც ჰქონდეს. დიეტა მოზარდებისთვის მაშინ არის სასარგებლო და სწორი, როცა კვების პრინციპი არის მაქსიმალურად ბალანსირებული.

დიეტის მანიუ თინეიჯერებისთვის 12-15 და 16- 17 წელზე:

პირველი საუზმე: ორი ტოსტი კარაქითა და ყველით,თოლხო კვრცხი,პომიდორი,ჩაი ან სუსტი ყავა.

მეორე საუზმე: უცხიმო იოგურტი და ვაშლი

სადილი: 200გრ სპაგეტი+ბოსტნეულის სალათა(შესაკაზმათ 1 ჩ.კოვზი ზეთისხილის ზეთი და ამდენივე ლიმონის წვენი)

სამხარი: მოხარშული სტაპილო ან ყვავილოვანი კომბოსტო+ჭიქა დაბალცხიმიანი კეფირი.

ვახშამი: თევზი,შემწვარი მწვანილში და პომიდორში+ტომატის წვენი.

წყარო: lollipop.ge
ხალხური მეთოდები ბუასილის სამკურნალოდ
ბუასილი - ეს არის კვანძების პატოლოგიური გადიდება, რომელსაც ხშირად თან ახლავს ტკივილი, წვა, სისხლდენა, ანალური არხიდან გამოვარდნა, ანთებითი პროცესი და ა.შ. ეს დაავადება მრავალი ფაქტორით შეიძლება იყოს გამოწვეული: არასწორი კვება, ყაბზობა, ორსულობა, ალკოჰოლის ჭარბი ოდენობით გამოყენება, მჯდომარე ცხოვრების წესი , მემკვიდრეობითი ფაქტორი და ა.შ.

კარგი იქნება თუ მცირე უსიამოვნო შეგრძნებისთანავე მიმართავთ ექიმს ან ხალხური რეცეპტებით სახლის პირობებში მკურნალობას მიმართავთ. სწორედ ამიტომ დღეს რამდენიმე მარტივ რჩევას გთავაზობთ იმისათვის, რომ გაღიზიანებული ბუასილის არაკომფორტული გამოვლინებები შეამციროთ.

გვირილა

2-3 სუფრის კოვზ გვირილის ყვავილებს დაასხით 1 ჩაის ჭიქა მდუღარე წყალი , გააჩერეთ 1 სთ.გადაწურეთ და დაიდეთ საფენები ჰემოროიდულ კვანძებზე, იქამდე, სანამ სულ არ შეხორცდება.

კარტოფილი

უმი კარტოფილი დაჭრით და სანთლის ფორმა მიეცით. გამოიყენეთ ყოველ დღე, ძილის წინ.

ჭინჭარი

2 სუფრის კოვზ ჭინჭრის მშრალ ფოთლებს დაასხით 1 ჩაის ჭიქა მდუღარე წყალი, გააჩერეთ 1 სთ. გადაწურეთ და 1/2 ჭიქის ოდენობით დღეში 2-ჯერ მიიღეთ.
ყინული

ზამთრის პერიოდში შეგიძლიათ უბრლოდ გრილი წყლის აბაზანები გაიკეთოთ, ეფექტური საშუალებაა ასევე ყინულის ”სანთლები”.

პარალელურ რეჟიმში აუცილებელია დაიცვათ ერთგვარი დიეტა, რაც გულისხმობს ცხარე, ტკბილი, შემწვარი, შებოლილი საკვების, ძლიერი ალკოჰოლური სასმელების ამოღებას რაციონიდან, ამასთანავე აუცილებელია დღის განმავლობაში 2-3 ლიტრი წყლის მიღება და ისეთი საკვების ჩართვა რაციონში, რომელიც ხელს უწყობს და აუმჯობესებს კუჭის მოქმედებას.

წყარო: lollipop.ge
7 სუპერ საკვები პროსტატასთვის
1- ბროკოლი

ბროკოლი ერთ-ერთია იმ ჯანსაღ საკვებთა რიგებში, რომელსაც შესანიშნავი სარგებელი შეუძლიათ მოგიტანონ. ჯვაროსანთა ოჯახის სხვა წარმომადგენლების მსგავსად, როგორებიც არიან ყვავილოვანი კომბოსტო, კალე და სხვა ბროკოლი დიდი რაოდენობით შეიცავს ნივთიერებებს, რომელთაც კიბოს საწინააღმდეგო საუკეთესო თვისებები აქვს. მასში ასევე დიდი შემადგენლობითაა დეტოქსიკაციის ფერმენტები. ბროკოლი ერთ-ერთი საუკეთესო საშუალებაა პროსტატის პრევენციისთვისაც. კვლევების შედეგად დადგინდა, რომ ამ ბოსტნეულის მიღება კვირაში ერთხელ მაინც 45%ით ამცირებს პროსტატის კიბოს მესამე და მეოთხე სტადიის განვითარებას. იმისთვის, რომ ორგანიზმმა მთლიანად მიიღოს ბროკოლის სარგებელი, დაჭერით ის საშუალო ნაჭრებად და შეწვით დაახლოებით 5 წუთის განმავლობაში. შეგიძლიათ შეაზავოთ ის ზეითუნის ზეთითა და ნიორით.

2- პილპილი

ცხარე წიწაკა, რომელიც ასევე ცნობილია ჩილის სახელწოდებით პროსტატისთვის კიდევ ერთი სასარგებლო პროდუქტია. ის ნივთიერება, რომელიც მას მწარეს ხდის ცნობილია, როგორც ტკივილგამაყუჩებელი. ის ასევე კლავს კიბოს საწინააღმდეგო უჯრედებს, მათ შორის პროსტატის კიბოს უჯრედებს. ეს ნივთიერება ასევე ძალიან ძლიერი ანტიოქსიდანტია , რომელიც სასარგებლოდ მოქმედებს სისხლძარღვებზე და ამცირებს ათეროსკლეროზის რისკებს.

3- მწვანე ჩაი

ეს სასარგებლო ნივთიერებებით უმდიდრესი ჩაი ისეთ ანტიოქსიდანტთა ნაერთებს აერთიანებს, რომლებიც ანადგურებენ ბაქტერიებს, ვირუსულ ინფექციებს. მწვანე ჩაი შესანიშნავად მოქმედებს იმუნური სისტემის გაუმჯობესების პროცესზე და კიბოს უჯრედების წარმოქმნის ერთ-ერთი საუკეთესო საშუალებაა. მწვანე ჩაი მასში შემავალი უამრავი დადებითი ნივთიერების წყალობით ახერხებს დაიცვას მამაკაცის ორგანიზმი საშარდე გზების დაავადებების წარმოქმნისგანაც. კველვებმა აჩვენა, რომ მამაკაცები, რომლებიც დღეში სამ ჭიქა მწვანე ჩაის მიირთმევენ პროსტატის კიბოს განვითარების შემცირებული რისკის ქვეშ არიან.

4- სოკო

სოკო და განსაკუთრებით აზიური ჯიშის გამოირჩევა კიბოს საწინააღმდეგო თვისებებით. აზიური სოკო, რომელიც 6000 წელზე მეტ ისტორიას ითვლის, დადგენილია, რომ ხელს უშლის ქალებში მკერდის სიმსივნის წარმოშობას, შეიცავს იმდენად ძლიერ ანტიოქსიდანტებს, რომ ნაწლავური კიბოს წინააღმდეგ საბრძოლველად ერთ-ერთი საუკეთესო საშუალებაა. ეს ნივთიერებები აღიარებულია, როგორც პროსტატის კიბოს ”თვითმკვლელი” საშუალებები. აუცილებლად დაამატეთ სოკო თქვენი კვების ყოველდღიურ რაციონს. თუ აზიურ სოკოსაც მოიპოვებთ ის შესანიშნავია დიეტების დროსაც, ამაგრებს უჯრედებსა და იცავს მათ დაზიანებისგან. შეგიძლიათ გამოიყენოთ ის სუპებში, მოთუშოთ ან მოხარშოთ ის თქვენთვის საყვარელ ინგრედიენტებთან ერთად.

5- ბროწეული

ბოლო დროს, აქტიურად მიმდინარეობს კვლევები ამ ხილის სასარგებლო თვისებების გამოვლენასთან დაკავშირებით. შედეგად დადგინდა, რომ ბროწეულის ექტრაქტები მნიშვნელოვნად ანელებენ პროსტატის კიბოს რეპროდუქციის პროცესს. ამერიკაში ჩატარებული კველვების შედეგად დადგინდა, რომ ბროწეულის წვენმა მნიშვნელოვნად შეამცირა პროსტატის წარმოქმნის პროცესი მამაკაცებში. შეგიძლიათ ის მიირთვათ მარცვლების სახით, მისი საშუალებით გააფორმოთ სალათები ან დალიოთ ბროწეულის ნატურალური წვენი.

6- ორაგული

ომეგა 3, რომლითაც მდიდარია თევზეული და განსაკუთრებით ორაგული კიბოს პრევენციული ერთ-ერთი მნიშვნელოვანი საშუალებაა. ორაგული რამდენიმე ფერის არსებობს- წითელი, ვარდისფერი, ფორთოხლისფერი. თითოეული ჯიშის ორაგული სხვადასხვა რაოდენობით შეიცავს სასარგებლო ნივთიერებებს. ექსპერტებმა დაადგინეს, რომ ორაგულში შემავალი ცხიმოვანი მჟავები სიმსივნის პრევენციის ერთ-ერთი საუკეთესო საშუალებაა. 2009 წელს ჩატარებული კვლევების შედეგად დადგინდა, რომ კვირაში ერთხელ მირთმეული ორაგული ამცირებს პროსტატის წარმოშობის რისკებს მაშინაც კი, როდესაც საქმე გენეტიკურ მიდრეკილებასთან გვაქვს. აღსანიშნავია, რომ სპეციალურ სათბურებში მოყვანილი ორაგული უფრო მნიშვნელოვან კონცენტრირებულ ტოქსინებს შეიცავს, ვიდრე გარეული, ამიტომ გაითვალისწინეთ, რომ ველური ორაგული საუკეთესო არჩევანია.

7- პომიდორი

პომიდვრის წითელი ფერის განმსაზღვრელი ნივთიერებები აუმჯობესებენ სისხლძარღვებისა და უჯრედების წარმოქმნისა და გაძლიერების პორცესს. გამოიყენეთ ის სუპებში, სოუსად ან მიირთვით, როგორც ცოცხალი ბოსტნეული. ბრაზილიაში ჩატარებული კველვების შედეგად დადგინდა, რომ მამაკაცები, რომლებიც 50 გრამ ტომატის პასტას იღებენ დღის განმავლობაში წვენის, სოუსის ან პიცის სახით 35 %ით ამცირებენ პროსტატის კიბოს განვითარების პროცესს, ხოლო 53%ით აგრესიული პროსტატის კიბოს განვითარებას. იმის გამო, რომ პომიდვრის მოპოვება მთელი წლის განმავლობაში ხდება, მისგან დამზადებული პროდუქციის შეძენა მთელი წლის მანძილზეა ხელმისაწვდომი. ასე რომ, აქტიურად ჩართეთ ის თქვენი სამზარეულოს ყოველდრიურ საქმიანობაში.

წყარო: lollipop.ge
კირა ანდრონიკაშვილის გზა სიყვარულიდან სიყვარულამდე... (ფოტოები)

კირა ანდრონიკაშვილს საზოგადოება კარგად იცნობს, როგორც ულამაზეს ქალბატონსა და უნიჭიერეს მსახიობს. ცხოვრობს საოცრად ლამაზი და კეთილი ადამიანების გარემოცვაში, რომლებიც ზრუნავენ მასზე და უყვართ. მან აღნიშნა, რომ მთავარია მოიპოვო სიყვარული ადამიანებისა, რომლებიც შენთვის ძვირფასია. მას ყავს შვიდი შვილიშვილი, მათ შორის ულამაზესი და საზოგადოებისთვის ცნობილი ლიკა ევგენიძე. ის არის ნატო ვაჩნაძის ძმიშვილი. მე დავათვალიერე ქალბატონი კირას ოჯახის წევრების ფოტოები, გამაოცა თითეული წევრის სილამაზემ, დახვეწილობამ. დავრწმუნდი, რომ მათ გენში აქვთ სილამაზე და სიკეთის სხივი თვალებში.

კირა ანდრონიკაშვილმა ითამაშა მრავალი როლი, ძალიან საინტერესო ფილმებში: ”თამუნა”, “მე ბებია ილიკო და ილარიონი”, “ჩვენი ჯერია ბიჭებო”, “მტრედები”, მოთხრობა სიყვარულზე” და მრავალი სხვა... პროფესიით არის ისტორიკოსი, მაგრამ მის ნიჭს საზღვარი არა აქვს. გარდა იმისა, რომ თავისი სამსახიობო კარიერით, მან წარუშლელი კვალი დატოვა ადამიანთა მეხსიერებაში,საქმიანობდა :”მოდების სახლში”, მონაწილეობას იღებდა სხვადასხვა ღონისძიებებში. მუშაობდა პროფკავშირების სასახლეში კულტურის განყოფილებაში, ასევე ეწეოდა საქმიანობას არქეოლოგიურ ცენტრში.

გულისტკივილით აღნიშნავს, რომ მას აღარ იღებენ ფილმებში, თუმცაღა ძალიან დიდი სიამოვნებით ითამაშებდა. საზოგადოების მისდამი სიყვარული ძალიან მნიშვნელოვანია მისთვის. გაგვიმხილა, რომ ბედნიერებაა, როდესაც ბევრ ადამიანს უყვარხარ, სიყვარული თავისით არ მოდის, სიყვარული რომ მოიპოვო კარგი უნდა დათესო, სიკეთე უნდა აკეთო და მადლად, სიყვარულად დაგიბრუნდებაო, აღნიშნა მან. როდესაც სახლში ვეწვიე ქალბატონ კირა ანდრონიკაშვილს, ჩემი პირველი ემოცია იყო უდიდესი სიყვარული და პატივისცემა მის მიმართ. შემეგება გულწრფელი ღიმილითა და უდიდესი სტუმართმოყვარეობის გრძნობით. მესაუბრა ძალიან თბილად, მშვიდად და საინტერესოდ. მიამბო ერთი პატარა ეპიზოდის შესახებ თავისი ბავშვბობიდან, რომელმაც კიდევ ერთხელ დამარწმუნა, თავისი სულის სილამაზესა და კეთილშობილებაში.

კირა ანდრონიკაშვილი
"უნებლიე სიკეთე"

-ოთხი წლის ვიყავი, როცა ნათლიამ მაჩუქა რაღაც გარკვეული თანხა, რომლითაც დედაჩემს პიანინო უნდა ეყიდა ჩემთვის, ძალიან მიხაროდა, პატარა ლამაზი ჩანთით დავატარებდი. მე ისეთ პერიოდში გავატარე ბავშვობა, როდესაც ხალხს ძალიან უჭირდა, ბავშვები ძონძებში ჩაცმული დადიოდნენ და სამოწყალოდ აგროვებდნენ გროშებს. ერთხელ სახლში ვიყავი, როდესაც გოგონას სიმღერის ხმა შემომესმა, აივანზე გავედი და გადავიხედე.. ძონძებში ჩაცმული პატარა ბავშვი მღეროდა. რაღაც უჩვეულო გრძნობა დამეუფლა. ვერ აგიწერთ, როგორი დიდი სიხარულით ავიღე ჩემი ჩანთა, რომელშიც ნათლიას ნაჩუქარი თანხა მქონდა,…კიბეები ჩავირბინე და ბავშვს გავუწოდე,…ის იმ წამს იყო უბედნიერესი ბავშვი... და მეც ძალიან ბედნიერი ვიყავი... მიუხედავად იმისა, რომ ის დიდი თანხა იყო, დედა არ გამიბრაზდა...

თქვენ საოცრად კარგი და თბილი ადამიანების გარემოცვაში იზრდებოდით...

-დიახ გეთანხმებით, ადამიანი საერთოდ თავისი ფესვებიდან მოდის... მე სწორედ ამ ფესვებზე მინდა გესაუბროთ, რომელმაც მე მომცა სიყვარული, სიკეთე და მასწავლა თუ როგორ უნდა მეცხოვრა. მე ბევრი რამ ვისწავლე ჩემი მამიდებისგან, თამარის, კირასა და ნატო ვაჩნაძისაგან. მე მამიდაჩემის, კირას სახელს ვატარებ, რომელიც საოცარი ადამიანი იყო. ის თამაშობდა ნიკოლოზ შენგელაიას ფილმში “ელისო”. გადაღებებზე ტიციან ტაბიძემ და ნიკოლოზ შენგელაიამ გააცნეს ბორის პილნიაკი, რუსი მწერალი, რომელსაც ცოლად გაყვა. შეეძინა შვილი, მაგრამ ძალიან ტრაგიკული ცხოვრება ქონდა. მისი მეუღლე დახვრიტეს იმის გამო, რომ მან დახვრეტასთან დაკავშირებით, პროტესტის ნიშნად მისწერა წერილი სტალინს. (კირას მეუღლე თამაშობს არჩილს “ოთარაანთ ქვრივში”). თვითონ კირა გადაასახლეს ასტანაში, სადაც რამდენიმე წელი გაატარა. კირას შვილი კი, დედაჩემის დედამ ჩამოიყვანა საქართველოში და იზრდებოდა ნატო ვაჩნაძის ოჯახში. დედა ყოველთვის მეუბნებოდა, რომ ხასიათით, ადამიანობითა და შინაარსით მას უნდა დავმსგავსებოდი, რადგან ძალიან კარგი ადამიანი იყო. მყავდა ძალიან კარგი მშობლები, რომლებსაც ძალიან უყვარდათ ერთმანეთი (სანდრო ანდრონიკაშვილი და ეკატერინე ჯორჯაძე), ისინი არასოდეს საუბრობდნენ ცუდზე, არ ეკარებოდათ მათ ცუდი ფიქრი თუ გრძნობა. უყვარდათ და სიამოვნებდათ ადამიანებთან ურთიერთობა, ძალიან კარგი მეგობრები ყავდათ, რომელთაგანაც ბევრი რამ ვისწავლე. მამამ თავისი ცხოვრების გზაზე, ძალიან ბევრი ჭირ-ვარამი გადაიტანა, მის თვალწინ დახვრიტეს ნატო ვაჩნაძის მამამთილი, რადგან მისი შვილი ქაქუცა ჩოლოყაშვილის რაზმში იყო.

ჩემს ოჯახში იყო ავადმყოფური პატიოსნება, მე მასწავლეს ადამიანების თანადგომა და სიყვარული, მე არ მაინტერესებს რა აცვია ადამიანს, ან არის თუ არა ის წარმატებული, ჩემთვის მთავარია, როგორ ცხოვრობს, უყვარს თუ არა მას თავისი ქვეყანა. მე ისეთი ადამიანების გვერდით ვიზრდებოდი, რომ მათ გვერდით გატარებული ყოველი წამი ჩემთვის ძვირფასია...

თქვენს შვილიშვილს ლიკა ევგენიძეს, საზოგადოება კარგად იცნობს, არის თუ არა მსგავსება ლიკასა და თქვენს ხასიათებს შორის?

-ლიკა გარდა იმისა, რომ ლამაზია, ჭკვიანიც არის და მიზანდასახულიც. ლიკამ ზუსტად იცის რა უნდა. მე არასოდეს არ ვყოფილვარ მიზანდასახული, არც მიცდია ვყოფილიყავი წარმატებული ადამიანი, თუმცა შინაგანი ხმა ყოველთვის მკარნახობდა, რომ მე შემეძლო კიდევ ბევრი რამ გამეკეთებინა. სიმღერის ნიჭი მას მამისაგან გამოყვა, ლექსებსაც წერს. მყავს ასევე ძალიან ნიჭიერი და ჭკვიანი ძმისშვილები ეკა ანდრონიკაშვილი და ნინო.Mმე შვიდი შვილიშვილი მყავს, მათი სიყვარულითა და სიხარულით ვარსებობ, ძალიან მიფრთხილდებიან, ჩემთან ხშირად მოდიან, ვსაუბრობთ საინტერესო თემებზე. საერთოდ მე მიყვარს ბავშვები და მათთან ურთიერთობა. ბავშვს არ უნდა აგრძნობინო, რომ ის პატარაა, მას ისე უნდა ესაუბრებოდე როგორც დიდს, აძლევდე რჩევას, მაგრამ მის აზრსაც უნდა ითვალისწინებდე. ერთხელ ჩემს შვილიშვილს დავურეკე, შენთან მოვდივარ და რა ჩავიცვა მეთქი, მან მიპასუხა, რომ თბილად ჩაიცვი, გარეთ ცივა და არ გაცივდეო. Mმივხვდი, რომ მას ესიამოვნა, რჩევა რომ ვკითხე. ბავშვს თვით შეფასების გრძნობა უნდა ავუმაღლოთ. ბავშვის აღზრდა ყველაზე რთული და საპასუხისმგებლო საქმეა.

ნათქვამია ბავშვი სუფთა დაფაა და რასაც დავწერთ იმას მივიღებთო...

-დიახ, გეთანხმებით. ბავშვი ყველაფერს სწავლობს უფროსებისაგან, მე ძალიან მტკივა გული, რომ არ უფრთხილდებიან ჩვენს ქვეყანას, თბილისის ლამაზ ქუჩებს, ყველაფერს ქუჩაში ყრიან, ეთმანეთს არ სცემენ პატივს. ერთხელ ქუჩაში მოვდიოდი და ვიღაცამ გადმოაგდო შუშის ბოთლი და საბედნიეროდ არ მომხვდა. ძალიან ცუდია, რომ ასეთი რამ ხდება. ცუდსაც და კარგსაც ბავშვი ოჯახიდან იღბს. თუ არ იცის, უნდა ასწავლო. მშობელმა შენიშვნა უნდა მისცე, მაგრამ არ უნდა დაამცირო. ბავშვს დახმარება სჭირდება, საკუთარი თავის ძიებაში. თუ საკუთარ ადგილს ვერ ვიპოვით ცხოვრებაში, მყარად ვერ დავდგებით ფეხზე, გაგვიჭირდება საკუთარ სულში ჩახედვა... და თუ საკუთარ სულს ვერ ვხედავთ, სხვას როგორ დავეხმარებით, როგორ გავაგრძელებთ ცხოვრებას ბნელში, წყვდიადში.

გარდა იმისა, რომ გაქვთ ლამაზი სული, საოცრად ლამაზი ქალბატონი ბრძანდებით, ხალისიანი და თავმდაბალი. ყოველთვის მზად ხართ, რომ დაეხმაროთ იმას, ვისაც დახმარება სჭირდება. როგორ ახერხებთ ამას?

-მე ყოველთვის კარგ ხასიათზე ვარ, ჩემი შვილიშვილებიც ხშირად მისვამენ ამ კითხვას... მე კარგ ხასიათზე ვარ ყოველთვის, არა იმიტომ, რომ პრობლემა არასოდეს მქონია (ვაღიარებ, რომ შეიძლება ბევრი შეცდომა დავუშვი), მე უფლება არ მაქვს ვიყო სასოწარკვეთილი, ეს დიდი ცოდვაა. რაც მაწუხებს, ყოველთვის ჩემში რჩება, ჩემს პრობლემას მე თვითონ ვუმკლავდები,Dთავს არავის არ ვახვევ. ვისაც რწმენა აქვს, მას ცუდი განწყობა არ ეუფლება, ჭეშმარიტი ქრისტიანი დაღონებული არ უნდა იყოს, რადგან მასში რწმენა არის სიყვარულისა, იმედისა.

როგორია შეყვარებული კირა ანდრონიკაშვილი?

-მინდა გითხრათ, რომ მე ყოველთვის შეყვარებული ვარ, როდესაც ქუჩაში მივდივარ, თვალებით ვეფერები ბავშვებს, მოხუცებს, ნაცნობებს, და მათ ვისაც არ ვიცნობ. მე სამჯერ შევქმენი ოჯახი, თითოეულ მათგანთან ვიყავი გულწრფელი, ერთგული ადამიანი და რაც მთავარია მათზე ძალიან შეყვარებული, იმ სიყვარულით, რომელსაც დღესაც ჩემს გულში ვაცოცხლებ. Mმაგრამ ვფიქრობ, რომ სიყვარული უნდა იყოს მოკრძალებული, ვინმე არ უნდა გიყვარდეს ისე, რომ ის გახდეს კერპი. გრძნობას გაფრთხილება და მოკრძალება სჭირდება და არა გაფანატება.

შევნიშნე, რომ მწვანე ფერი მოგწონთ... თქვენს ხასიათს ძალიან უხდება, სიცოცხლის ფერია...

-მწვანე ფერი რაღაცნაირად მახალისებს, კარგ განწყობას მიქმნის, ამიტომ ძალიან ბევრი ნივთი და აქსესუარი მაქვს მწვანე ფერის. გეთანხმებით, მწვანე სიცოცხლის ფერია.

თქვენ ძალიან წარმატებული ბრძანდებით. რა არის თქვენი წარმატების მთავარი ფორმულა?

-მე არ ვთვლი, რომ წარმატებული ვარ და წარმატებული კარიერა მაქვს, მაგრამ ის ფაქტი, რომ ხალხს ვუყვარვარ, ჩემთვის ძალიან მნიშვნელოვანია. ვფიქრობ, რომ ჩემი მთავარი წარმატება არის ჩემი შვილები, მე მათი აღზრდისთვის ყველაფერი გავაკეთე, რომ ადამიანებად გაზრდილიყვნენ და სასურველი შედეგიც მივიღე. საერთოდ ადამიანზეც არის დამოკიდებული, თუ როგორ ააწყობს თავის ცხოვრებას. მე ვისურვებდი, რომ ისეთ ადამიანებთან ჩაწეროთ ინტერვიუ, რომლებიც არ არიან წარმატებულნი. არა იმიტომ, რომ ნიჭიერები არ არიან, არამედ მათ არ გაუმართლათ. ასეთი ადამიანები მარგალიტები არიან, რომლებიც ჩრდილში დარჩნენ.

თქვენ მიიღეთ მონაწილეობა პროექტში: ”წარმატებული ქალი პოდიუმზე”. გვიამბეთ ამის შესახებ, რა ემოცია დაგეუფლათ, როცა პოდიუმზე გახვედით?

-იმ წამს კირა ანდრონიკაშვილი იყო სრულიად სხვა ადამიანი, ძალიან ბედნიერი ვიყავი, ცოტა უცნაურადაც ვგრძნობდი თავს, სხვა მონაწილეები გაცილებით ახალგაზრდები იყვნენ, არ ვაპირებდი მონაწილეობის მიღებას, მაგრამ ლიკამ ძალიან მთხოვა და დავთანხმდი. ყველა ძალიან თბილად მეპყრობოდა, ვგრძნობდი, რომ ყველას სიამოვნებდა ჩემი იქ ყოფნა.

ბოლო ფილმი, რომელშიც მონაწილეობა მიიღეთ, რა როლი ითამაშეთ?

-ეს არის ალეკო ცინცაძის ფილმი: ”მოთხრობა სიყვარულზე”, რომელიც არ გამოსულა ტელეეკრანებზე. ფინანსების არქონის გამო, ვერ მოხდა მისი დასრულება. ფილმში ძალიან საინტერესო თემებზე არის გამახვილებული ყურადღება, იქ არ არის მკვლელობა, აგრესია...

თქვენს მიერ შესრულებული როლებიდან რომელს გამოარჩევდით?

-ძალიან მომწონს ჩემი როლი ფილმში “მტრედები”. მაგრამ ყველა როლი, რომელიც მე შევასრულე ჩემთვის ძვირფასია.

ამჟამად რას მოღვაწეობთ?

-სამწუხაროა, მაგრამ ფაქტია, რომ არ ვმუშაობ. ძალიან მინდა, რომ ისევ შევასრულო როლი ფილმებში, ან ვიმუშაო ისეთ სამსახურში, სადაც ადამიანებს ჭირდებათ დახმარება და თანადგომა. გაგიმხელთ ერთ საიდუმლოს, რომელიც ჯერ არავისთვის არ მითქვამს, შვილიშვილებმაც არ იციან, მე ვწერ პიესას, რომლის მიხედვით მინდა, რომ მომავალში გადაიღონ ფილმი, რათქმა უნდა თუ ამის შესაძლებლობა იქნება.

რას უსურვებდით თქვენს ერთგულ მაყურებელს და ზოგადად ადამიანებს, რომლებსაც თქვენ ძალიან უყვარხართ?

-პირველ რიგში რწმენას, იმედს და სიცოცხლის სურვილს. მინდა, რომ ადამიანებს უყვარდეთ ერთმანეთი, ერთმანეთის ბედნიერებითა და სიყვარულით იცხოვრონ. ვისურვებდი, რომ სული გაილამაზონ, მარტო ფიზიკური სილამაზე არაფრის მომცემი არ არის. ადამიანის სულის სილამაზე მის თვალებში ირეკლება და არ უნდა რცხვენოდეთ და ეშინოდეთ ერთმანეთის თვალებში ჩახედვის. მე მინდა რომ ქართველ ხალხს ქონდეს სიკეთის სხივი თვალებში.

თინა ღლონტი

წყარო: likakazbegi.ge















ციცინო შურღაიას სიმართლის დრო
ციცინო შურღაიას, წარმატების საიდუმლო, მის შრომისმოყვარეობასა და საქმისადმი ერთგულ დამო­კიდებულე­ბაშია. რომ არა ეს ქალბატონი, ძალიან ბევრი ადამიანის ცხოვრება ისევ ერთფეროვანი და მოსაწყენი იქნებოდა. ის 21-ე საუკუნის პლასტიკური ქირურგიის ერთ–ერთი ყველაზე ცნობადი და წარმატებული სახეა.

ქალბატონი ციცინოს პროფესიული საქმიანობის შესახებ, ბევრი რამ არის ცნობილი, მაგრამ ეს ინტერვიუ მნიშვნელოვანია იმით, რომ აქ სრულიად განსხვავებულ ამპულაში იხილავს მას მკითხველი...გარდა იმისა, რომ პლასტიკურ ქირურგიაში არის წარმატებული, ასევე ძალიან ნიჭიერია შემოქმედებითი კუთხით. საზოგადოებამ არ იცის, მისი შემოქმედებითი საქმიანობის შესახებ. ის კარგად ხატავს, წერს ლექსებს, კერავს სამოსს, ქსოვს, ქმნის ძალიან საინტერესო ნამუშევრებსა და აქსესუარებს...

ციცინო შურღაია, არის რუსეთის მედიცინის მეცნიერებათა აკადემიის პროფესორი, ევროპისა და საერთაშორისო პლასტიკური და ესთეტიკური ქირურგიის ასოციაციის წევრი, მედიცინის მეცნიერებათა დოქტორი, სახის ასაკობრივი ცვლილებებისა და პარალიზის კორექციის ექსპერტი, ათი პატენტის მფლობელი, ორი სახელმძღვანელოს ავტორი და რუსეთის ადამიანის უფლებათა დაცვის ორგანიზაციის, პრემიის „გრაცია 2008“ ლაურეატი. ნომინაციში – ,,რუსეთის საუკეთესო პლასტიკური ქირურგი’’.

ბავშვობა

-ძალიან აქტიური ბავშვი ვიყავი. კარგად ვსწავლობდი. სკოლის დამთავრების შემდეგ, სწავლა განვაგრძე სამედიცინო განხრით, რადგან ბავშვობაშივე მივიღე გადაწყვეტილება, გავმხდარიყავი ქირურგი. ოჯახის წევრებისგან მქონდა ყველანაირი ხელშეწყობა, ჩემი პროფესიული წინსვლისთვის. ყოველთვის მეგობრული დამოკიდებულება მქონდა მათთან. დედა ძალიან მეხმარებოდა, რომ მიმეღო კარგი განათლება. მამა ხშირად მაძლევდა რჩევებს, რასაც ყოველთვის ვითვალისწინებდი. სულ მეუბნებოდა, სიკეთეს ყველას შენ ვერ გაუკეთებ, ყველას ვერ დაეხმარები, მაგრამ უნდა სცადო მაინც, რომ ღირსეულად იცხოვროო. მყავს ორი ძმა და შვილი თამარ ქანთარია, რომელიც ცხოვრობს კანადაში. მუშაობს, დერმატო-კოსმეტოლოგია.

სილამაზის ექსპერტი პლასტიკურ ქირურგიაში

-ვთვლი, რომ პლასტიკური ქირურგია, ჩემი თანდაყოლილი დიაგნოზია. მე ბავშვობაშივე მივიღე გადაწყვეტილება,რომ გავხდებოდი ქირურგი.ყოველთვის დიდი პასუხისმგებლობით ვეკიდებოდი ჩემს საქმეს. ოცი წელი მორგში ვმუშაობდი, რომ დაწვრილებით შემესწავლა ყველაფერი და ჩამოვყალიბებულიყავი პროფესიული კუთხით. ეს სფერო კარგად მაქვს შესწავლილი, რამაც კიდევ უფრო შეუწყო ხელი ჩემს წარმატებულ საქმიანობას.

კონკურენცია

-კარგია, როდესაც არის ჯანსაღი კონკურენცია, თუნდაც პლასტიკურ ქირურგიაში, მაგრამ მე შემიძლია ერთი რამ გითხრათ, კარგი ქირურგისთვის მთავარია, საზოგადოების ნდობის მოპოვება. როდესაც პაციენტი ენდობა ქირურგს, სჯერა მისი, დარწმუნებულია მის პროფესიონალიზმში, ეს ქირურგისთვის უკვე რეკლამაა. მოსკოვში არიან ქირურგები, რომლებიც რეკლამების საშვალებით ახდენენ შთაბეჭდილებას ხალხზე, რადგან აქვთ ბევრი ფული. მე რეკლამისთვის ფული არასოდეს დამიხარჯავს, არც მჭირდება, რადგან ჩემი პაციენტები სრულიად მენდობიან. მე ვიცი, მათ რა სჭირდებათ და არასოდეს ვუცრუებ იმედს. მე მაქვს, ჩემს მიერ გაკეთებული ოპერაციების ვიდეო–ჩანაწერები, პაციენტთა ნდობის მოპოვების მიზნით. მათ შეუძლით, ეს ჩანაწერი აჩვენონ მსოფლიოს ნებისმიერ ექსპერტს.

პლასტიკური ქირურგიის ყველაზე ცნობადი სახე და წარმატებები

-ვიყო რუსეთის საუკეთესო ქირურგი, ეს ჩემთვის დიდი პასუხისმგებლობაა და ამასთანავე დიდი წარმატება. წარმატების მიღწევას დიდი შრომა სჭირდება. ჩემს მიერ გაკეთებული ყველა ოპერაცია კარგი შედეგით დასრულდა და გართულება არ მოჰყოლია.

პლასტიკური ქირურგის უცნობი მხარე...

-ძალიან მიყვარს აქსესუარების კეთება. ვქსოვ, ვკერავ ტანსაცმელს, ვწერ ლექსებს. ჩემი სტუდენტობის დროს ნაკლებად იყო სამოსი, რომელიც მომწონდა, ამიტომ მე თვითონ ვკერავდი და ვქსოვდი სხვადასხვა სტილისა, თუ ფერის ტანსაცმელს. მეგობრებიც მთხოვდნენ, მათთვის მომექსოვა რაიმე. ბევრი რამ მაქვს შეკერილი. ძირითადად მომწონს პრაქტიკული სამოსი.. ჩემი სახლის დიზანიც მე მოვიფიქრე. მომწონს ყველაფერი ორიგინალური, ლამაზი და სრულყოფილი. ასევე მიყვარს ხატვაც. როდესაც მაქვს დრო და განწყობა ვხატავ. ბევრი ნახატები მაქვს სხვადასხვა თემაზე შექმნილი...

ბესო კალანდაძე

-ჩემი ცხოვრების ყველაზე დიდი შეცდომა, არის ბესო კალანდაძე, „ადამიანი ტყუილი“, რომლის ერთი სიტყვის დაჯერებაც არ შეიძლება. მან ჩემს ცხოვრებაში ტყუილით შემოაღწია და შემდეგ გაიპარა ისე, არც კი უთქვამს, წასვლას რომ აპირებდა... ეს ყველაფერი სასაცილოა, დიდი ბავშვის საქციელს ჰგავს. მიკვირს ასეთ ადამიანთან როგორ ვიცხოვრე. ტყუილია მთელი მისი ცხოვრება. ერთგულ მსმენელსაც კი ატყუებს. ფონოგრამაზე არასოდეს მიმღერიაო მითხრა, ერთ-ერთ კონცერტზე კი, რომელსაც ორიათასი ქართველი ესწრებოდა, ფონოგრამა გაეთიშა და ვერც კი აგიწერთ რა დაემართა მას. მე ტყუილში ვერ ვიცხოვრებდი. ჩემს პირველ მეუღლეს დავშორდი იმის გამო, რომ საყვარელი ყავდა. მივხვდი, რომ მას ის უყვარდა და ყოველგვარი კონფლიქტის გარეშე, წავედი მისი ცხოვრებიდან. ვინმე ვაიძულო იყოს ჩემთან, ეს ჩემთვის სრულიად მიუღებელია... ბესო კალანდაძის ცხოვრება ეხლაც კი სრული სიცრუეა, შანტაჟზე და იძულებით ურთიერთობებზეა აგებული. ის ერთი წუთითაც ვერ ძლებდა ჩემს გარეშე, სულ მეუბნებოდა თუ როგორ ვუყვარდი. თქვენ მკითხეთ, ბესო რომ დაბრუნდეს თუ მიიღებთო, მე კი გიპასუხებთ, რომ მას არ დააბრუნებენ... როგორი ძლიერიც არ უნდა იყოს, ბესოს სურვილი.

პირადი ცხოვრება

-ვთვლი, რომ პირადი ცხოვრების შესაქმნელად, ადამიანს უნდა ჰქონდეს სიყვარულის ნიჭი. გიყვარს შენი პროფესია? მას არასოდეს ღალატობ და წარმატებული ხარ. გიყვარს შენი შვილი? არასოდეს ჩაიდენ ისეთ რამეს, რომ შენს შვილს შენი რცხვენოდეს. გიყვარს შენი მშობლები? ყოველთვის ცდილობ, რომ მათ გული არ ატკინო. გიყვარს შენი სამშობლო? ცდილობ, რომ იგი ასახელო. გიყვარს შენი ცხოვრების თანამგზავრი? შენ სიცოცხლის ბოლომდე რჩები მასთან... არიან ადამიანები, რომლებიც სხეულს აყენებენ სიამოვნებას და ისეთებიც, რომლებიც სულიერი სიამოვნებისთვის არ იშურებენ არაფერს. პირველ კატეგორიას მიეკუთვნება ბესო კალანდაძე, რადგან მისთვის მთავარი არის ფული. ამიტომაც არ არის ის ჩემთან. მე შევედი ბესოს ერთ-ერთ საიტზე, სადაც მის შესახებ არის ყველანაირი ინფორმაცია. ის ყველა ინტერვიუში ამბობს, მიატოვა სიმღერა და წავიდა საქართველოდან იმის გამო, რომ არ უხდიდნენ დიდ თანხას კონცერტებში. მითხარით, რა იქნებოდა მაშინ, ფიროსმანს რომ არ დაეხატა...მას ხომ გროშებს უხდიდნენ...

რას განიცდის ყველაზე მეტად...

-დღევანდელი გადასახედიდან, ვხედავ, რომ ადამიანების ერთმანეთთან დამოკიდებულება არის იძულებითი და არაგულწრფელი, ეს ძალიან მაწუხებს. ცივილიზაციას, კარგთან ერთად ცუდი მხარეც აქვს... დღევანდელ რეალობაში მთავარია ფული. ადამიანებს სამართლიანობის გრძნობა გაუქრათ. ჩემი ნათქვამი არ არის, მაგრამ მე გავიმეორებ, რომ „არსებობს ერთი ღმერთი- ფული“. ეს ფაქტი ხანდახან დეპრესიაში მაგდებს. მოგიყვებით ერთი ფაქტის შესახებ, რომელიც კიდევ ერთხელ დაგარწმუნებთ ამაში. მოსკოვში არის ქირურგი, დოქტორი ლევინი, რომლის შესახებ, ბევრი და ძვირადღირებული რეკლამები კეთდება. ავიღე ერთ-ერთი ჟურნალი, მთელ გარეკანზე არის ლევინის ფოტო. წავიკითხე ინტერვიუ, რომელშიც წერს, რომ აქვს 15 წლის გამოცდილება, გაკეთებული აქვს 40000 ოპერაცია. თუ უბრალო მათემატიკას გამოვიყნებთ, გამოდის, რომ ის დღეში ატარებს შვიდნახევარ ოპერაციას. ეს თავისთავად სასაცილოა...მიუხედავად ყველაფრისა, ის იმდენად ძვირადღირებულ რეკლამას იკეთებს, რომ პაციენტებიც ჰყავს. ფაქტია, რომ ის არ არის სპეციალისტი, ატყუებს ხალხს. რეკლამაში დებს საკმაოდ დიდ თანხას, რომლითაც იზიდავს პაციენტებს. აქაც ფული არის მთავარი მამოძრავებელი ძალა და არა პროფესიონალიზმი.

ვინ აატირა ციცინო შურღაია

–ერთხელ, ერთ–ერთ კლინიკაში ჩემთან კონსულტაციაზე მოვიდა პაციენტი. ოპერაციისთვის, რომელიც მას სჭირდებოდა საჭირო იყო 1500 დოლარი. გავიდა ერთი წელი და იგი ჩემთან ისევ მოვიდა, მითხრა, რომ დააგროვა მხოლოდ 1000 დოლარი და მთხოვდა გამეკეთებინა ოპერაცია. მე რათქმაუნდა დავთანხმდი. საღამოს მირეკავს ეს ქალბატონი, წავედი მასთან, რადგან ჭრილობიდან დაეწყო სისხლდენა. მის სახლში საშინელი სიღარიბე ვნახე და როდესაც ვკითხე, თუ რატომ არ შეასრულა ჩემი მითითება და არ დაიდო ყინული. აღმოჩნდა, რომ არ ჰქონდა მაცივარი. იმდენად გაუსაძლის მდგომარეობაში ცხოვრობდა, რომ გამიჩნდა კითხვა, თუ რატომ გაიკეთა ოპერაცია. მან მიპასუხა, რომ აღარ უნდოდა ცხოვრება, მოფერების გარეშე. ძალიან შემეცოდა... თანხა, რომელიც მან ოპერაციაში გადაიხადა, დავუბრუნე და ვთხოვე ეყიდა მაცივარი. იქედან რომ წამოვედი ავტირდი. ძალიან ბევრ რაღაცაზე დავფიქრდი...ვისთვის რა არის მთავარი...

რატომ წავიდა საქართველოდან

–საქართველოდან წავედი იმიტომ, რომ იყო სრული განუკითხაობა. ვერსად ვერ დავინახე სამართალი... ხალხი ინსტიტუტებში ჩაწყობით ირიცხებოდნენ... მე არ შემეძლო ამის ატანა.

სიმართლის ძიებაში...

–როგორც ზემოთ ავღნიშნე, მამაჩემი ხშირად მეუბნებოდა, არსებობს ზღვარი სიკეთის კეთებაშიც კი, რომ ყველას მე ვერ დავეხმარებოდი, მაგრამ უნდა მეცადა მაინც. ვთვლი, რომ ადამიანისთვის, სამართლიანობის გრძნობაა მთავარი და არა ფული... ეხლახანს გავუკეთე ურთულესი ოპერაცია 21 წლის გიორგის. რომელიც მოხვდა ავტოკატასტროფაში და სახის ნერვი დაუზიანდა. ათსაათიანი ურთულესი ოპერაცია შედეგიანად დამთავრდა. ეს ჩემთვის პრესტიჟის ოპერაციაა, რადგან მსგავსი ოპერაციები მსოფლიოს მხოლოდ რამოდენიმე ცენტრში კეთდება. გიორგის ღიმილი ყველაზე დიდი ჰონორარი იყო ჩემთვის...

თინა ღლონტი

წყარო:













8 მიზეზი რატომ უნდა დაიწყოთ ჩაის მოხმარება
ყოველდღიურად სულ უფრო მეტი კვლევა ადასტურებს , რომ ჩაის სასარგებლო თვისებები და პოზიტიური გავლენა ადამიანის ორგანიზმზე სულ უფრო დიდია. ჩაი რამდენიმე სახეობის არსებობს და განსხვავებული სარგებელიც მოაქვს ჯანმრთელობისთვის. მაშ ასე, გთავაზობთ სხვადასხვა ფერის ჩაის სხვადასხვა ეფექტებს.

1- თეთრი ჩაი - ყველაზე ნაკლები რაოდენობით შეიცავს კოფეინს და მდიდარია ანტიოქსიდანტებით. ამ ტიპის ჩაი მსუბუქი არომატით გამოირჩევა და ხშირად გამოიყენებენ, როგორც დელიკატურ დესერტს. როგორც პროფესორები ამბობენ, მწვანე ჩაი ბაქტერიებისა და ვირუსების განადგურების ეფექტური საშუალებაა, ერთ-ერთმა კვლევამ კი დაადასტურა ეს ფაქტი და გაირკვა, რომ თეთრმა ჩაიმ 10 წუთში ვირუსების 75% გაანადგურა. ამ ტიპის ჩაიში შემავალი ანტიოქსიდანტების მეშვეობით ის შეიძლება მივიჩნიოთ, როგორც სიმსივნის საწინააღმდეგო ერთ-ერთი ეფექტური საშუალება.

2- შავი ჩაი - შავ ჩაის უფრო ძლიერი და ტრადიციული გემო აქვს. რამდენიმე კვლევით უკვე დადასტურდა, რომ შავი ჩაი ამცირებს ინსულტის, გულის შეტევისა და სისხლძარღვთა დაავადების რისკებს. მას ასევე შეუძლია მოაწესრიგოს სისხლის მიმოქცევის პროცესი სისხლძარღვებში და დაარეგულიროს წნევა. დღეში ხუთი ჭიქა შავი ჩაის მოხმარების შედეგად ორგანიზმი შეძლებს წინააღმდეგობა გაუწიოს ინფექციებსა და ვირუსებს, ასევე შესაძლოა პრევენციულად იმოქმედოს სიმსივნის დროსაც. დღეში სამი ჭიქის მოხმარებით კი შეძლებთ თავიდან აირიდოთ სიმსივნისა და საშარდე გზების დაავადებების რისკები.

3- მწვანე ჩაი - მისი გემო განსხვავდება შავი ჩაისგან და არც ისეთი ძლიერია, როგორც ეს უკანასკნელი. ნივთიერებები, რომელსაც მწვანე ჩაი შეიცავს ეფექტურად ამცირებენ კიბოს უჯრედების წარმოქმნის პროცესს. ქალები, რომლებიც დღეში 10 ჭიქა მწვანე ჩაის სვამენ 45%ით ამცირებენ სიმსივნის რისკებს. ამ ტიპის ჩაის რეგულარული მოხმარება ასევე ამცირებს ქალბატონებში სარძევე ჯირკვლების სიმსივნის, ხოლო მწეველებში ფილტვის კიბოს ქარმოქმნის საშიშროებებს. ადამიანები, რომლებიც დღეში სამ ჭიქა მწვანე ჩაის სვამენ წვავენ უფრო მეტ კალორიას და ბევრად უფრო მეტად აქვთ მეტაბოლიზმის პროცესი მოწესრიგებული, ვიდრე სხვებს.

4- ჩაის სარგებელი ტვინზე - ჩაი ერთ-ერთი ეფექტური საშუალებაა ნევროლოგიური დაავადებების წინააღმდეგ საბრძოლველად და განსაკუთრებულად ეფექტურია ალცჰეიმერის დაავადების დროს. კველვამ აჩვენა, რომ ჩაის მოხმარებისას ტვინი წარმოქმნის ეპინეფრინსა და დოპამინს, რაც მნიშვნელოვნად აუმჯობესებს ტვინის ფუნქციონირებას. დღეში ორი ჭიქა მწვანე ჩაი კი საგრძნობლად გააუმჯობესებს თქვენს მახსოვრობასა და დასწავლის უნარს.

5- სარგებელი გულზე - ჩაის რეგულარულმა მოხმარებამ შესაძლოა გააჭიანუროს ან საერთოდ თავიდან აგარიდოთ სისხლძარღვთა დაავადებები. ცნობილია, რომ ჩაი ამცირებს ქოლესტერინის რაოდენობას და აუმჯობესებს სისხლის მიმოქცების პროცესს.

6- გავლენა იმუნურ სისტემაზე - უკვე დადგინდა, რომ მწვანე ჩაიში შემავალი ანტიოქსიდანტები მაღლა სწევენ იმუნური უჯრედების რაოდენობას და იცავენ ორგანიზმს სხვადასხვა დაავადებებისგან. სწორედ ამიტომ ითვლება ჩაი ერთ-ერთ ეფექტურ და საუკეთესო საშუალებად პნევმონიით, სტაფილოკოკისა სტრეპტოკოკის ბაქტერიებით დაავადებული ადამიანებისთვის.

7- სითხის შემცველობა - სწორედ ჩაია ის ერთ-ერთი მნიშვნელოვანი საშუალება, რომლითაც ხდება ორგანიზმში სითხის ბალანსის დაცვა. მეცნიერები ამბობენ, რომ დღის განმავლობაში მიღებულ 8 ჭიქა წყალს დაახლოებით ის ეფექტი აქვს, რაც კოფეინით მდიდარ ორ ჭიქა ჩაისა თუ ყავას. ეცადეთ დააბალანსოთ ორგანიზმში სითხის რაოდენობა და არ მოახერხოთ ეს ზედმეტი კოფეინის მიღების ხარჯზე.

8- ძვლების სიჯანსაღე - მეცნიერებმა დაადგინეს, რომ ჩაი აუმჯობესებს ძვლების სიმტკიცესა და სიძლიერეს. ქალბატონები, რომლებიც საშუალო ასაკში რეგულარულად იღებენ ჩაის უფრო მეტად არიან დაცულები მოტეხილობების რისკებისგან, ვიდრე ადამიანები, რომლებიც ჩაის საერთოდ არ იყენებენ. მკვლევარები ასევე აცხადებენ, რომ ჩაი საუკეთესო საშუალებაა ოსტეოპოროზის პრევენციისთვის.

წყარო: lollipop.ge
როგორ ბერდებიან ზოდიაქოს ნიშნები
ვერძი - ვერძი იგნორირებას უკეთებს განვლილ წლებს. ის ცხოვრობს დღევანდელი დღით, ცდილობს იფიქროს, რომ ხვალინდელი დღე აღარ დადგება და მისი მხიარული ხასიათი და ახალგაზრდული ენერგია მოხუცებულობამდე მიჰყვება. ყოველთვის ცდილობენ დინამიურად, სავსე ცხოვრების რიტმით იცხოვრონ და სხვებიც წააქეზონ ამისკენ. მან 60 წლის ასაკში, შეიძლება არ იაროს შავი ტყავის ქურთუკით, მაგრამ გატაცებული იყოს მოტოციკლებით, რბოლით და ისეთივე ენერგიით გულშემატკივრობდეს, როგორც ორმოცი წლის წინ.

კურო - კუროების პრობლემა, როგორც წესი, გემრიელი ჭამა-სმის სიყვარულია. ამიტომ ასაკის მატება მათთვის წონის მატების სინონიმიცაა. შესაბამისად, კუროს სიბერე ძალიან აწუხებს იმ უბრალო მიზეზის გამო, რომ მოქნილობა, რომელიც ამ ხალხს არც ახალგაზრდულ ასაკში გააჩნია დიდი დოზით, წლების და კილოგრამების მატებასთან ერთად ქრება. რის შედეგადაც ბევრი კურო შაქრიანი დიაბეტის ან გულის იშემიური დაავადებების კანდიდატია, ისევ და ისევ წონის სიჭარბიდან გამომდინარე. ამიტომ ასტროლოგები კუროებს ურჩევენ, კვების ჯანსაღი რაციონი და სწორი დღის რეჟიმი ახალგაზრდობიდანვე შეურჩიონ საკუთარ თავს.

ტყუპები - ის ხანდაზმულ ასაკამდე ინარჩუნებს "დიდი ბავშვის" ხასიათს და მანერებს. ის კი არადა "მარადმწვანე სტუდენტების" სიაშიც ყველაზე ხშირად ტყუპი გვხვდება. ტყუპები ახალგაზრდობაში ისახავენ მიზნებს და არასდროს ანელებენ ცხოვრების ტემპს. ნუ მოელოდებით, რომ ტყუპი სამსახურიდან ადრე დაბრუნდება, თუნდაც ასაკში ბუხართან დასასვენებლად წამოწოლილს ვერ იხილავთ. მათი კარიერული ზრდა გრძელდება პენსიაზე გასვლამდე, და თუ შესაძლებლობა ექნებათ პენსიაზე გასვლის შემდეგაც.

კირჩხიბი - კირჩხიბები ორი ტიპის არიან. ერთნი, რომელთაც "მუდმივი ბავშვები" ჰქვიათ და ჯიუტად არ სურთ ცხოვრების მანძილზე გაზრდა, მანიაკალური და ხშირად არაადეკვატური დამოკიდებულებით საკუთარი გარეგნობის მიმართ (მაგ. ზედმეტად თინეიჯერული ჩაცმულობა ხანდაზმულობისას იმ იმედით, რომ უხდება ). ასეთი ხალხის ინფანტილურობა გარშემო მყოფთათვის ხშირად გამაღიზიანებელი და დამღლელია. ხოლო მეორე ტიპი კირჩხიბისა, არის ტიპი რომელსაც სხვებზე ზრუნვის გარეშე ვერ წარმოუდგენია ცხოვრება. ასეთი ხალხისგან, როგორც წესი ყველაზე ნამდვილი და "ტკბილი ბებია-ბაბუები" გამოდიან, რომლებიც უზომოდ უყვართ შვილიშვილებს და მათით აღფრთოვანებული არიან გარშემო მყოფები, მაშინაც კი როცა მათ სახეს ნაოჭები, თმას კი ჭაღარა ფარავს.

ლომი - ლომები მათი ბუნების წყალობით წლების განმავლობაში უფრო ძლიერდებიან. ასაკის მატებასთან ერთად უფრო მოურჯულებლები, წყნარები და დინჯები ხდებიან. მათ უფრო და უფრო უნდებათ გარშემომყოფებისგან პატივისცემის მოპოვება და კიდევ თაყვანისცემა, ცდილობენ იყვნენ სამაგალითო პიროვნებები, სწორედ ამიტომ ისინი ცდილობენ და თავს არ ზოგავენ მიაღწიონ მათ მთავარ მიზნებს ცხოვრებაში.

ქალწული - ქალწულის ზოდიაქოს ნიშნით დაბადებულებს, ასაკის მატება გარეგნობაზე მეტად ხასიათზე ეტყობათ. დაბადებიდან კრიტიკული ქალწული, როგორც წესი ასაკში უფრო მეტად კრიტიკული და მეწვრილმანე ხდება. რაც იმას იწვევს, რომ ზოდიაქოს ამ ნიშნით დაბადებულთა დიდ ნაწილს უჩნდება სურვილი, განმარტოებით იცხოვროს, მოერიდოს ხმაურიან ატმოსფეროს, ხალხმრავლობას და დღეები სიმშვიდეში გაატაროს, სხვადასხვა სახის პატარა ცხოველებთან ერთად (ცნობილია, რომ ქალწულს ჩიტები, კატები და მცირე ზომის არსებები იზიდავს ხოლმე).

სასწორი - სასწორის შემთხვევაში კი, წლების მატება მათთვის გარეგნული მომხიბვლელობის დაკარგვის საშიშროებასთან ასოცირდება. ამიტომ სასწორების ყოველთვის ცდილობენ ამ მხრივ თავი გაინებივრონ. შესაბამისად ხშირად სტუმრობენ ესთეტიკ-ცენტრებს ან შინაურულ პირობებში ინებივრებენ თავს სხვადასხვა სახის გამაჯანსაღებელი პროცედურით.

მორიელი - მორიელები რისკის სიყვარულითა და ავანტიურიზმით გამოირჩევიან. ამ ხალხს უყვარს ცეცხლთან თამაში და ხანდაზმულ ასაკამდე არ ქრება მათში საპირისპირო სქესისადმი გაცხოველებული ინტერესი. თუმცა, სტრესის და ზეემოციური ბუნების გამო, ბევრი მორიელი ვერ აღწევს ღრმა სიბერემდე. სამაგიეროდ, ვინც აღწევს, მათ სიბერეში ფილოსოფიური აზროვნებისკენ უჩნდებათ მიდრეკილება. მორიელების დიდ ნაწილს, საკმარისი ცოდნა და გამოცდილება გააჩნიათ საიმისოდ, რომ ჭკუა დაარიგოს გარშემო მყოფებს. ამასთან ერთად, გარეგნულ სიჯანსაღესა და მოქნილობასაც შესანიშნავად ინარჩუნებენ ზოდიაქოს ამ ნიშნის წარმომადგენლები და ასაკის მატებასთან ერთად, მათი გავლენა გარშემო მყოფებზე არათუ სუსტდება, პირიქით მატულობს.

მშვილდოსანი -მშვილდოსნები როგორც ვერძები არასოდეს ეპუებიან წლების მატებას. ყოველთვის ცდილობენ დინამიურად, სავსე ცხოვრების რიტმით იცხოვრონ და სხვებიც წააქეზონ ამისკენ.უყვართ კომპლიმენტების მოსმენა. თუმცაღა მათთვის დამახასიათებელი მოუსვენრობა და რისკის სიყვარული, ხშირად ხდება ამ ხალხის ცხოვრებაში სხვადასხვა სახის ტრავმისა და მოტეხილობის მიზეზი. ამიტომ ცეცხლის ნიშნები ძირითადად მხოლოდ ამ შემთხვევის გამო ეჯაჭვებიან სახლს, წამლებს და ლოგინს (ანუ ბებრული ცხოვრების რიტმს).

თხის რქა - თხის რქას როგორც წესი, ასაკის მატება პირიქით მომხიბვლელობას ჰმატებს. თხის რქის მმართველი პლანეტა სატურნია, რომელიც თავის მხრივ დროის დინების მმართველად ითვლება. ამიტომ, ბავშვობის ასაკში "პატარა მოხუცებად" ქცეულ თხის რქებს იგი, წლების მატებასთან ერთად აჯილდოებს სიჯანსაღით და ახალგაზრდული შემართებით.

მერწყული - მათშიც საკმარისზე მეტადაა ახალგაზრდული შემართება და აზარტი, რაც შეეხებათ მერწყულებს, მათთან ღამის მმართველად მაინც მკაცრი სატურნი ითვლება, ამიტომ მერწყულებს შორის უფრო გვხვდება ხალხი, ვინც სიბერის მძიმე უღელს ემორჩილება. თუმცა ტიპური მერწყულები, როგორც წესი ასაკის მატებასთან ერთად უფრო და უფრო "ცელქდებიან". აქედან გამომდინარე, ბავშვობაში არაბავშვურად სერიოზული მერწყული, ოთხმოცი წლის ასაკში დახეული ჯინსებით და კეტასებით რომ ნახოთ, რომელიმე ეგზოტიკურ ქვეყანაში სამოგზაუროდ მიმავალი, არ უნდა გაგიკვირდეთ.

თევზები - სათუთი, რბილი და ინტუიციური თევზები სიბერის მოახლოვებას გარკვეული, ქვეცნობიერი შიშით ელიან. თუმცა მათ უმრავლესობას ნაკლებად ადარდებს წლების მატების გამო გარეგნული სახეცვლილება, უფრო იმაზე დარდობენ, თუ რამდენი რამის გაკეთებაა კიდევ შესაძლებელი ამ საშინლად მოკლე ცხოვრებაში. საერთოდ თევზებს უყვართ განვლილ დღეებზე ფიქრი, მსუბუქი ნოსტალგია და საღამოები, როცა მეგობრებთან ერთად იხსენებენ ახალგაზრდობას. ამაში ისინი გარკვეულ სიამოვნებასაც კი ხედავენ. თუმცა რაც უფრო ნაკლებად იდარდებენ ისინი წლების მატებაზე, მით უფრო ნაკლებად დაეტყობა გავლილი წლების სიმძიმე მათ გარეგნობას.

წყარო: life.mediamall.ge
7 მითი ყავაზე
ყავა მსოფლიოში ერთ-ერთი ყველაზე პოპულარული სასმელია. ეს სასმელი უამრავი ადამიანის დილის განუყოფელი ნაწილია, რადგან ეხმარება ორგანიზმს გამოფხიზლებაში მაშინ, როცა წინ მთელი დღე გელის. სხვადასხვა კვლევა ყავას სხვადასხვაგვარად ახასიათებს, ზოგი ამბობს რომ ის ზიანის მომტანია, ზოგი- აქვს სასარგებლო თვისებები, ზოგი კი თვლის, რომ მას შეუძლია გამოიწვიოს ჯანმრთელობის პრობლემები. შეიძლება ითქვას, რომ ყავასთან დაკავშირებით არსებობს რამდენიმე მნიშვნელოვანი მითი, ჩვენ კი გთავაზობთ 7 მათგანს:

1- ყავა ხდის დეპრესიულს - ეს არ არის სწორი მოსაზრება, რადგან ყავა არ უზრუნველყოფს არც დეპრესიულობისა და არც შფოთვის ხარისხის მომატებას თქვენს სხეულში. ყავა ბუნებრივი სტიმულანტია, რომელსაც შეუძლია დაამშვიდოს და დააწყნაროს თქვენი გონება. ყავა არ არის პირდაპირ პასუხისმგებელი სტრესის განთავისუფლებაზე, თუმცა ის ბლოკავს სტრესის გამომწვევ ნივთიერება ადენოზინს.

2- კოფეინი იწვევს უძილობას - ეს ამ ნივთიერების შესახებ გავრცელებული ყველაზე ხშირი მითია, რომელიც სინამდვილეს არ შეესაბამება. კოფეინის ორგანიზმში მოხვედრიდან 4- 5 საათის შემდეგ ის ტოვებს სხეულს, შესაბამისად მისი გავლენაც უმნიშვნელო ხდება. ეცადეთ, არ მიირთვათ ყავა უშუალოდ დაძინების წინ, დღეში კი 2-3 ჭიქა ყავის დალევაა ნებადართული.

3- ყავა იწვევს კიბოს - ყოველწლიურად უამრავი კვლევა ტარდება, თუმცა ამ დრომდე ვერც ერთმა ვერ შეძლო დაემტკიცებინა კავშირი ყავის რეგულარულ მოხმარებასა და კიბოს წარმოშობას შორის. ზოგიერთმა კვლევამ ცხადყო, რომ ადამიანები, რომლებიც ყავის ყოველდღიური მომხმარებლები არიან კიბოს დაბალი რისკის ქვეშ იმყოფებიან, რადგან ყავა შეიცავს იმ სასარგებლო ანტიოქსიდანტებს, რომელიც ებრძვის კიბოს უჯრედებს. ყავა ხელს უშლის დაბაერების პროცესსაც და გეხმარებათ დიდხანს გამოიყურებოდეთ ახალგაზრდულად.

4- ყავას არ გააჩნია სასარგებლო თვისებები - რამდენიმე კვლევისა და მედიკოსთა წყალობით დამტკიცდა, რომ ყავას შეუძლია ადამიანის ორგანიზმს გარკვეული სარგებელი მოუტანოს. ის შეიცავს ისეთ ანტიოქსიდანტებს, რომელიც აუმჯობესებს გულის ფუნქციებსა და ებრძვის კიბოს. დამტკიცებულია, რომ ყავის რეგულარული მოხმარება აძლევს ადამიანს საშუალებას იყოს მეტად კონცენტრირებული. მას იყენებენ, როგორც უძილობის წინააღმდეგ ბრძოლის საშულება, რადგან ეხმარება ორგანიზმს მშვიდი ძილის პროცესში.

5- კოფეინი იწვევს დამოკიდებულებას - ადამიანები, რომლებიც ხშირად იყენებენ კოფეინის შემცველ პროდუქტებს აღნიშნავენ, რომ უჩნდებათ სურვილი ის უფრო ხშირად მიიღონ. დამოკიდებულება ნიშნავს, როდესაც ადამიანს უნდება ესა თუ ის პოდუქტი და ამ სურვილს სიმპტომების საშუალებით გამოხატავს. მისთვის დოზის გაზრდა არავითარ პრობლემას არ წარმოადგენს. კვლევების მიხედვით დადასტურდა, რომ კოფეინს არა აქვს ფუნქცია, გამოიწვიოს მასზე დამოკიდებულება, განსხვავებით ალკოჰოლისა და ნარკოტიკებისგან.

6- ყავა იწვევს მარცხს ქორწინებებში და უშვილობას - ეს კიდევ ერთი მითია, რომელსაც მტკიცებულება არ გააჩნია. მეცნიერებმა დაამტკიცეს, რომ კავშირი განქორწინებებსა და ყავის მოხმარებას შორის არ არსებობს. ჯერ-ჯერობით ვერც ერთმა კვლევამ ვერ დაადგინა, რომ ქალებს, რომლებიც ყავას რეგულარულად მოიხმარემ ნაყოფიერებასთან დაკავშურებული პრობლემები აქვთ.

7- ყავამ შესაძლოა გამოიწვიოს ოსტეოპოროზია - ეს ძვლის დაავადებაა, რომელსაც ყავის მოხმარებასთან არავითარი კავშირი არ გააჩნია. მიზეზი, რამაც ძვლებთან დაკავშირებული პრობლემა შეიძლება გამოიწვიოს, ეს კალციუმისა და D ვიტამინის ნაკლებობაა ორგანიზმში. ოსტეოპოროზია შეიძლება გაჩნდეს ასევე შემდეგი მიზეზებით: ნაკლები ფიზიკური აქტივობა, მოწევა, საშუალოზე დაბალი სხეულის წონა, მენოპაუზა. რამდენჯერმე ჩატარებული კვლევის შედეგად გაირკვა, რომ დღეში საშუალო რაოდენობით ყავის მოხმარება არ იწვევს ძვლებთან დაკავშირებულ პრობლემებს.

წყარო: lollipop.ge
მოამზადეთ გემრიელი სასუსნავი მხოლოდ ორი ინგრედიენტით
სასუსნავი- მსუყე და ამოუწურავი თემაა. მისი უამრავი სახეობა არსებობს და ალბათ ყველა ოჯახში ყოველდღიურადაც მზადდება. უმრავლესობას გვიყვარს ნებისმიერი სახის შოკოლადი, ნამცხვარი, ტკბილეული, სასუსნავი, შეიძლება ითქვას ყველაფერი რაც ცხვება და გემრიელია. ახლა კი ჩვენ გთავაზობთ ერთ საოცარ რეცეპტს ორი მარტივი ინგრედიენტით. მოიმარაგეთ ბანანი და შვრია და თქვენ სულ რამდენიმე წუთში გამოაცხობთ უგემრიელეს ტკბილეულს. დაპატიჟეთ მეგობრები და თამამად უამბეთ მათ ამ საოცრების შესახებ. არავითარი ფქვილი, კვერცხი, შაქარი, სოდა, კარაქი და შაქარიც კი. დაუჯერებელია.

მაშ ასე, თქვენ დაგჭირდებათ:

* ორი რბილი ბანანი
* ერთი ჭიქა შვრია.

1- მოამზადეთ ეს ორი ინგრედიენტი.



2- დაჭერით ბანანი მრგვალ ნაჭრებად და მოათავსეთ ჯამში შვრიასთან ერთად.



3- აურიეთ ისინი ერთმანეთს. ჩართეთ ფანტაზია და სურვილისამებრ დაამატეთ შოკოლადის ნატეხები, თხილი, ნუში ან ნებისმიერი ინგრედიენტი, რომელიც გიყვართ.



4- გამოიყენეთ სუფრის კოვზი და საცხობ ქაღალდზე მასას ასეთი ფორმა მიეცით.



5- შედგით ღუმელში და გამოაცხვეთ 180C-ზე დაახლოებით 15 წუთით.



მარტივი, ჯანსაღი და ნამდვილად გემრიელი. მიირთვით და გაგვიზიარეთ გამოცდილება.

წყარო: lollipop.ge
სამარხვო ბრინჯი ბოსტნეულით და სოკოთი
ძალიან გემრიელი და მარტივი სამარხვო სალათია, ბოსტნეული შეგიძლიათ გამოიყენოთ როგორც გაყინული აგრეთვე ნედლი სახით.

მასალა:

* ქამა სოკო - 300გრ;
* მდოგვის მარცვალი (გაყინული) - 100გრ;
* ხახვი - 100გრ;
* ბრინჯი ბასმატი - 300გრ;
* სიმნიდის მარცვალი დაკონსერვებული - 100გრ;
* სტაფილო - 150გრ;
* ნედლი ლობიოს ღეროები(გაყინული) - 100გრ;
* ზეთი - 25 მლ;
* მარილი, პილპილი გემოვნებით;

მომზადება:



სოკო გავრეცხოთ და დავჭრათ 4 ნაწილად ღრმა ტაფაში ჩავასხათ ზეთი და შევწვათ სოკო. მწვანე ბარდა და ლობიო გავადნოთ.



ხახვი დავჭრათ წვრილად, შევბრაწოთ ზეთში. სტაფილი დავჭრათ ძალიან წვრილად, ან გავხეხოთ მსხვილ სახეხზე და დავუმატოთ ხახვს. შევბრაწოთ დაბალ ცეცხლზე, ტან ვურიოთ 3-4 წუთის განმავლობაში.



ბრინჯი მოვხარშოთ. დავუმატოთ შებრაწული ხახვი, სტაფილოსთან ერთად, წიწაკა, და მარილი, აურიოთ და დავტოვოთ ცეცხლზე 5 წუთი კიდევ.



სულ ბოლოს დავმატოთ გამდნარი და გადაწურული ბოსტნეული და სიმინდის მარცვლები. დავტოვოთ ცეცხლე კიდევ 7 წუთით და ვთუშოთ დახურული სახურავით.

გემრიელად მიირთვით!

წყარო: mary.ge