OHO.GE
როგორ ვუმკურნალოთ სხეულზე სისხლჩაქცევებს (ხალხური მეთოდი)
მათ ვისც აწუხებს სისხლჩაქცევები სხეულზე, შეუძლიათ მიმართონ ხალხურ მედიცინას და მისი გამოყენებით გადაჭრან მოცემული პრობლემა. გაეცანით ინსტრუქციას.

1. აიღეთ გმცენარე გიორგელას (ქათმისკუჭა) ოთხი ახალამოღებული ფესვი. კარგად გარეცხეთ, ჩაუშვით 1 ლიტრ ადუღებულ წყალში და ადუღეთ 20 წთ.

2. ღრმა სისხლჩაქცევების დროს დალიეთ თითო ჭიქა 20 წუთში ერთხელ, სანამ არ გათავდება; ხოლო შედარებით მსუბუქი სისხლჩაქცევების დროს მოიბანეთ ეს ადგილები თბილი ხსნარით, შემდეგ დაიფარეთ ხსნარით გაჟღენთილი ტამპონი და შეიხვიეთ. იმისათვის, რომ პროცედურა მასქიმალურად ეფექტური იყოს გაიმეორეთ ის დღეში 3ჯერ.

წყარო: rogor.ge
როგორ დავაჩქაროთ ჭრილობის შეხორცება (ხალხური მეთოდი)
ინსტრუქციაში მოყვანილი ხალხური მეთოდი იმისა, თუ როგორ დავაჩქაროთ ჭრილობის შეხორცება.

1. გაჭერით ალოე შუაზე და ნახევარი დაადეთ ჭრილობას. 5-6 საათში ჭრილობა შეხორცებას დაიწყებს

2. მთაში ჭრილობას სპირტისა და ჭინჭრის ნაყენის კომპრესს ადებენ, რომელიც შემდეგი წესით არის დამზდებული: გაავსეთ ჭინჭრით ლიტრიანი ქილა. ზემოდან დაასხით სპირტი, შემდეგ კი მჭირდროდ დაახურეთ თავსაუხრავი და დადგით მზეზე 2 კვირის განმავლობაში. მზის სხივების მოქმედებით ნაყენი იძენს სასურველ თვისებებს (შეიძლება ნაყენი წინასწარ მოამზადოთ და შეინახოთ გრილ ადგილას).

წყარო: rogor.ge
6 მცენარე კიბოს დასამარცხებლად!
ჯანჯაფილი

ჯანჯაფილი ჯერ კიდევ დიდი ხნის წინ აქტიურად გამოიყენებოდა ხალხურ მედიცინაში სხვადასხვა დაავადების სამკურნალოდ. დაფქული ჯანჯაფილი ისევე სასარგებლოა ჯანმრთელობისთვის, როგორც ცოცხლად გახეხილის მიღება. ამ მცენარის მოხმარება სიმსივნის მკურნალობისას ამცირებს ამ დროს გამოწვეულ გახშირებულ ღებინების შეგრძნებას.



როზმარინი

როზმარინი ანტიოქსიდანტებით მდიდარი მცენარეა. მისი წარმომავლობის გამო, ის უფრო ხშირად ხმელთაშუა ზღვის სანაპირო ქვეყნების კულინარიაში გამოიყნება. ხშირად იტალიური კერძების ძირითადი სანელებელიცაა. როზმარინი დაგეხმარებათ დეტოქსიფიკაციაში, მადის ცვლილებების, მომნელებელი სისტემის აშლილობის დროს. სიმსივნის მკურნალობის დროს რეკომენდირებულია მიიღოთ დღეში 3 ჭიქა როზმარინის ფოთლებისგან მომზადებული ჩაი.



წითელი წიწაკა

წიწაკა შეიცავს კაპსაცინს, ნივთიერებას, რომელიც ტკვილს ამცირებს. მისი უბრალოდ მტკივნეულ ადგილზე მოსმითაც ხდება ტკივილის შემსუბუქებას. ( თუმცა ხშირად ის კანის დამწვრობის გამომწვევია). ის საკმაოდ კარგად შველის ნეიროპათიურ ტკივილებს. წიწაკის კიდევ ერთი დადებითი თვისება ისაა, რომ ის მეტაბოლიზმს აუმჯობესებს.



ნიორი

ნიორი დიდი რაოდენობით შეიცავს გოგირდს და ასევე შესანიშნავი წყაროა არგინინის (ამინო მჟავა), ფლავანიდების, სელენატის, რომლებიც ჯანმრთელობისთვის ძალიან სასარგებლო ნივთიერებებია. ბევრი კვლევა ადასტურებს, რომ ნიორის ხშირი მიღება ამცირებს სიმსივნის გაჩენის რისკს მუცელში, პანკრეასში, მსხვილ ნაწლავსა და მკერდში. ნიორი აჩერებს ბაქტერიული ინფექციების გავრცელებას და ხელს უშლის კიბოს გამომწვევი სუბსტანციების ჩამოყალიბებას. ის ასევე აძლიერებს იმუნურ სისტემას და ამცირებს არტერიულ წნევას.



პიტნა

პიტნა ჯერ კიდევ დიდი ხნის წინ გამოიყნებოდა მომნელებელი სისტემის პრობლემების სამკურნალოდ. პიტნა ადუნებს მუცლის კუნთებს და აუმჯობესებს გადამუშავებული საკვების გადააადგილებას მუცელში. ვისაც სიმსივნით გამოწვეული მუცელთან დაკავშირებული პრობლემები აწუხებს, პიტნის ჩაის მიღება უნდა სცადონ.



გვირილა

გვირილას ბევრი სამკურნალო დანიშნულება აქვს. ერთი ჭიქა გვირილის ჩაი ძილისწინ, დაგეხმარებათ უძილობის პრობლემების მოგვარებაში. გვირილა ასევე კარგია ქიმიოთრაპიისგან გამოწვეული სტომატიტის სამკურნალოდ.



წყარო: lollipop.ge
როგორ ვუმკურნალოთ ფურუნკულს (ძირმაგარას) ხალხური მეთოდი
მოცემულ ინსტრუქციაში აღწერილია ხალხური მეთოდი, ფურუნკულის (ძირმაგარის) სამკურნალოდ.

1. ფურუნკული საერთოდ გაქრება, თუ საკუთარ ნერწყვში გახსნით პურის ფქვილს და მიღებულ მასას შაქრის ფხვნილს მოაყრით. ეს მასა ფურუნკულზე შაქრიანი მხრიდან დაიდეთ.

2. ორი სუფრის კოვზი ჭინჭარი საღამოს ჩაყარეთ თერმოსში, დაასხით 2 ჭიქა ადუღებული წყალი. დილით გაწურეთ, გაყეთ სამ ნაწილად და მიეცით ავადმყოფს ერთი საათით ადრე ჭამის წინ.

3. ძირმაგარაზე დასაფენად გარეგანი მკურნალობის ხალხური საშუალებაა მრავალძარღვა და ხახვი.

4. აიღეთ ერთი კვერცხის გული, 1 სუფრის კოვზი შაქარი და დაჩეჩქვილი ქიშმიში. ეს მასა აზილეთ ერთმანეთში და შეაზილეთ პურის ფქვილი, რამდენსაც შეიზელს. ცომი გააბრტყელეთ და მთლიანად დაიდეთ მტკივნეულ ადგილზე. საფენი გაიკეთეთ დღეში ორჯერ. ჩირქს მთლიანად ამოიტანს.

წყარო: rogor.ge
როგორ მოვიცილოთ კოჟრი (ხალხური მედიცინა)
მათ ვისაც აწუხებს მაზოლების პრობლემა და უქმნის დისკომფორტს, შეგიძლიათ წაიკითხოთ ინსტრუქცია და ხალხური მედიცინის რჩევების მიხედვით დააღწიოთ პრობლემას თავი.

1. საღამოს ფეხები ცხელწყლიან აბაზანაში ჩაყავით და გააჩერეთ 15-20 წუთს. თუ წყალი გაცივდა, ფრთხილად ჩაამატეთ მდუღარე. შემდეგ ფეხები კარგად გაიმშრალეთ, მაზოლზე ლიმონის ქერქი დაიდეთ, რომელსაც ოდნავ გულიც ექნება შერჩენილი და ფეხები კარგად შეიხვიეთ. 4-5 დღეში მაზოლი მთლიანად გაქრება.

2. ჩამოიბანეთ მაზოლი შემწვარი ხახვის ნახარშით. პროცედურა გაიმაორეთ მაზოლის მოძრობამდე.

3. ციმბირელები ხახვის მშრალ კანს ორი კვირის განმავლობაში ძმარში აჩერებენ და შემდეგ მაზოლზე იდებენ დაახლოეით 3მმ სისქის ფენად. იჩერებენ მთელ ღამეს. პროცედურას იმეორებენ მაზოლის მოძრობამდე.

4. დაიბანეთ ფეხები თბილ წყალში, შეიმშრალეთ კარგად, დაიდეთ გაჭრილი ლეღვის ნაყოფის შიგთავსი. გაიმეორეთ ასე ყოველ ღამე (სანამ შედეგს არ მიაღწევთ).

5. თუ გაწუხებთ მაზოლები - გაიწმინდეთ მტკივნეულ ადგილები. თბილ წყალში გახსენით კალიუმ-პერმაგანატის ხსნარი ისე, რომ წყალი გახდეს ვარდისფერი. დაუმატეთ ცოტა მარილი, ჩაყავით ფეხები 15-20 წუთის განვალობაში და იგრძნობთ შვებას.

წყარო: rogor.ge
რა იწვევს ყელის ტკივილს? - სამედიცინო რჩევები
ყელის მწვავე ტკივილს აპროვოცირებს:

ჰაერის დაბინძურება გამონაბოლქვი აირებითა და ქიმიური ნივთიერებებით;

ზედა სასუნთქი გზების ინფექციები (გრიპი, პარაგრიპი, რინოვირუსული და ადენოვირუსული ინფექცია, ქუნთრუშა, ყივანახველა, დიფტერია, წითელა, ინფექციური მონონუკლეოზი) და მათთან დაკავშირებული პათოლოგიები (ფარინგიტი, ადენოიდები, ტონზილიტი და ლარინგიტი);

წელიწადის ცივი პერიოდისთვის დამახასიათებელი დაბალი ტემპერატურა, რაც იმუნურ სისტემას აქვეითებს და ინფექციათა სწრაფი გავრცელებისთვის ხელსაყრელ პირობებს ქმნის;

ცხვირის სავალებში ადენოიდური წანაზარდების გაჩენა, სურდო, ძგიდის გამრუდებით გამოწვეული ცხვირის ნორმალური ფუნქციის დაქვეითება;

ყელის ზედმეტი გადაძაბვა - ბევრი ლაპარაკი, ყვირილი, ხმამაღალი სიმღერა. ყელის ტკივილსა და ხმის ჩახლეჩას განსაკუთრებით ხშირად უჩივიან პედაგოგები, ლექტორები და მსახიობები - ადამიანები, ვისთვისაც ხმას პროფესიული მნიშვნელობა აქვს. ამის გამო ისინი იძულებულნი არიან, ყელს განსაკუთრებით მოუარონ;

მეტისმეტად ცხარე, ძმრიანი, მდოგვიანი, ცხელი და ცივი სასმელ-საჭმლის სწრაფი მონაცვლეობა;

სასუნთქ გზებში უცხო სხეულის მოხვედრა.

წყარო: presa.ge
სათითურა - სახიფათო მკურნალი (ხალხური მედიცინა)
სათითურა ძველთაგანვე გამოიყენება ყოფა-ცხოვრებასა და მედიცინაში. ამჟამად მისგან საგულე გლიკოზიდებს ამზადებენ. ეს პრეპარატები გულის მუშაობის სტიმულატორებია და გულის უკმარისობის დროს გამოიყენება.
ფარმაცევტული წარმოებისათვის, სათითურას ფოთლებს ყვავილობის დასასრულს აგროვებენ. ამ დროს მასში არსებული სამკურნალო ნივთიერებები განსაკუთრებით აქტიურია. მედიკოსებმა კარგად იციან, რომ სათითურას პრეპარატებს დოზის გადაჭარბების შემთხვევაში სიცოცხლისთვის საშიში ინტოქსიკაციის გამოწვევა შეუძლია.

ინტოქსიკაციის რისკი დიდია მაშინაც, როცა სათითურას პრეპარატებს სამკურნალოდ იღებენ. ამ მოვლენას ექიმები გლიკოზიდურ ინტოქსიკაციას უწოდებენ. აი, ამიტომ არის საშიში სათითურას პრეპარატების მიღება ექიმის მკაცრი კონტროლის გარეშე.

სათითურას დიდ დოზას ჯანმრთელი ადამიანის მოკვლაც კი შეუძლია, ამიტომ თუ თქვენს ბაღში პატარა ბავშვი თამაშობს, დარწმუნებული უნდა იყოთ, რომ მას არასოდეს გაუჩნდება ამ ლამაზი მცენარისთვის გემოს გასინჯვის სურვილი

წყარო: presa.ge
ხალხური მედიცინის რეცეპტები
ჭიების საწინააღმდეგოდ და ამოსახველებლად:
3-7 გრამი ატმის გამხმარი თესლი ჩავყაროთ მომინანქრებულ ქვაბში, დავასხათ 200 მლ მდუღარე წყალი და 5-7 წუთი ნელ ცეცხლზე ვადუღოთ. გავაგრილოთ და გავწუროთ. მივიღოთ მესამედი ჩაის ჭიქა დღეში 3-ჯერ, ჭამამდე 1 საათით ადრე.

რევმატიზმის, თავის ტკივილისა და გასტროენტერიტის დროს:

1 სუფრის კოვზი დაფშვნილი ატმის ფოთოლი ჩავყაროთ მომინანქრებულ ქვაბში, დავასხათ 250 მლ მდუღარე წყალი და 5 წუთი ვადუღოთ წყლის აბაზანაზე, დავაყენოთ 1,5-2 საათით და გავწუროთ ორფა დოლბანდში. მივიღოთ 50 მლ დღეში 4-ჯერ, ჭამამდე 20 წუთით ადრე.

საფაღარათო (კუჭში გამხსნელი) და შარდმდენი ეფექტისათვის:

3-4 გ ატმის ხმელი ყვავილი ჩავყაროთ მომინანქრებულ ქვაბში, დავასხათ 150 მლ მდუღარე წყალი, 5 წუთს ვადუღოთ წყლის აბაზანაზე, გავაცივოთ (2 საათის განმავლობაში) და გავწუროთ ორფა დოლბანდში. მივიღოთ 50 მლ დღეში 3-ჯერ, ჭამამდე 30 წუთით ადრე

წყარო: presa.ge
მკურნალობა პოლიპების დროს
პოლიპების დროს, გირჩევთ საკონსულტაციოდ აუცილებლად მიაკითხოთ ყელ-ყურ-ცხვირის ექიმს (ოტორინოლარინგოლოგს), რომელიც საფუძვლიან გამოკვლევას ჩაგიტარებთ.

ექიმამადე კი სასურველია:

დღეში ორჯერ, დილა-საღამოს, ორივე ნესტოში ჩაიწვეთოთ ორ-ორი წვეთი ქრისტესისხლას წვენი. მკურნალობის ორკვირიანი კურსის შემდეგ ორი კვირა შეისვენოთ და კვლავ განაგრძოთ ჩაწვეთება.

15 გრამ გამხმარ, დაქუცმაცებულ ჩვეულებრივ ანისულს (ბალახს) დაასხით 100 მლ სამედიცინო სპირტი, 10 დღის განმავლობაში თბილ და ბნელ ადგილას დადგით, პერიოდულად ანჯღრიეთ, შემდეგ გადაწურეთ. ნაყენი გააზავეთ მდუღარე წყლით, თანაფარდობით 1:3 და დღეში 3-ჯერ ათ-ათი წვეთი ჩაიწვეთეთ თითოეულ ნესტოში. ერთთვიანი კურსის შემდეგ 3-4 კვირა შეისვენეთ და ჩაწვეთება კიდევ ერთ თვეს განაგრძეთ.

მდუღარე წყლის აბაზანაზე დადგით ერთმანეთში არეული დაფქული კრაზანა და ნაღების კარაქი, თანაფარდობით 1:4. ყოველ ჩაის კოვზ ნარევს დაამატეთ 5-5 წვეთი ქრისტესისხლა და კარგად აურიეთ. 10 დღის განმავლობაში დღეში 3-4-ჯერ თითოეულ ნესტოში ჩაიწვეთეთ ორ-ორი წვეთი, შემდეგ 2 კვირა შეისვენეთ და კიდევ 7-10-დღიანი კურსი ჩაიტარეთ.

წყარო: presa.ge
ბოსტნეული და კუჭ–ნაწლავის პრობლემები
ბოსტნეულს წყლის, ცელულოზის, ვიტამინების, მარილების მდიდარი შემცველობა და მცირე კალორიულობა ახასიათებს. კულინარიული ტექნიკის ამოცანაა, შეუნარჩუნოს მას არომატული ნივთიერებები, მარილები და ვიტამინები. კუჭ-ნაწლავის ტრაქტის გაღიზიანებისას, უმჯობესია, საკვები ორთქლზე მომზადებული მიირთვათ. კარგია ბოსტნეულის სუფლე და პიურე, მრავალკომპონენტიანი სალათები.

საკვების მონელებას განსაკუთრებით აუმჯობესებს:

სტაფილო - იგი ყაბზობის დროს ნამდვილი ხსნაა. შეგიძლიათ, უხვად მიირთვათ. სასარგებლოა როგორც მოხარშული, ასევე ჩაშუშული, მცენარეული ზეთით მცირედ შეზავებული. კარგია წვენიც.

ჭარხალი - სტაფილოს მსგავსად, შველის შეკრულობას. ძალიან კარგია მისი წვენის სტაფილოს წვენთან ერთად მიღება.

კომბოსტო - საკმაოდ ძნელად მოსანელებელი პროდუქტია, რადგან ყველაზე მეტ ცელულოზას შეიცავს. ამიტომ კუჭის ქრონიკული დაავადებების დროს, მისი მიღება რეკომენდებული არ არის, სხვა შემთხვევებში კი როგორც ჩაშუშული, ისე ცოცხალი კომბოსტო აძლიერებს ნაწლავის პერისტალტიკას და აუმჯობესებს საკვების მონელების ხარისხს.

წყარო: presa.ge